Pirritx, Porrotx eta Marimototserako sarrerak bihar ipiniko dituzte salgai
Pirritx, Porrotx eta Marimotots pailazoen Sentitu, Pentsatu, Ekin! ikuskizunera joan gura duten horiek, bihartik hasita erosi ahalko dituzte sarrerak eta agortu arte salgai izango direla jakinarazi dute.
Gabonetako programazioaren baitan, Bermeoko Udaleko Kultura, Gazteria eta Hezkuntza sailak beste behin be …
Pirritx, Porrotx eta Marimotots pailazoen Sentitu, Pentsatu, Ekin! ikuskizunera joan gura duten horiek, bihartik hasita erosi ahalko dituzte sarrerak eta agortu arte salgai izango direla jakinarazi dute.
Gabonetako programazioaren baitan, Bermeoko Udaleko Kultura, Gazteria eta Hezkuntza sailak beste behin be Pirritx, Porrotx eta Marimototsen ikuskizuna antolatu du. Aurten, abenduaren 27an izango da jaialdia, ohi legez, Artza frontoian.
Azkeneko urteetan egin bezala, aurten be, bi saio izango dira; lehenengoa, 16:00etan, eta bigarrena, 18:30ean. Sarrerak, halan da be, aurretiaz erosi beharko dira.
Ikuskizunera joateko asmoa dutenek bihartik aurrera eskuratu ahalko dituzte sarrerak eta horiek erosteko hiru aukera daude: Artza frontoiko lehiatilan bihar, etzi eta 26an 18:00etatik 20:00etara, abenduaren 22an, 12:00etatik 14:00etara eta abenduaren 27an 15:00etatik 19:00etara; BBKko zerbitzu anitzetarako kutxazainetan edo www.bbk.es web orriaren bitartez.
Umeek 5 euro ordaindu beharko dituzte, nagusiek, barriz, 10 euro.
