Mundakako Arraun Taldeak bi jardunaldi jokatuko ditu asteburuan
Mundakako Arraun taldeak KAE2 mailako bi estropada jokatuko ditu asteburuan. Zapatuan Hibaika banderan (Pasaia) lehiatuko dira mundakarrak; domekan, bestalde, Bixigu Eguna bandera (Orio) jokatuko dute. Zapatuko estropada 12:00etan hasiko da, eta domeka...
Mundakako Arraun taldeak KAE2 mailako bi estropada jokatuko ditu asteburuan. Zapatuan Hibaika banderan (Pasaia) lehiatuko dira mundakarrak; domekan, bestalde, Bixigu Eguna bandera (Orio) jokatuko dute. Zapatuko estropada 12:00etan hasiko da, eta domekakoa 18:00etan.
Mundaka sailkapen orokorrean bederatzigarren postuan dago, joan den asteburuan bi postu galdu ostean. Hala, bigarren txandatik kanpora geratu ziren, Getxoren mesedetan. ARC2 mailan lau txanda jokatzen dituzte talde parte hartzaileek.
Mundakarrek 27 puntu dituzte sailkapen nagusian, baina Getxo puntu bakarrera dute. Hala, asteburuan Getxoren aurretik sailkatuz gero, postu bat aurreratuko lukete bertoko arraunlariek. Atzetik, bestalde, Colindres bederatzi puntura dago.
