Gernika Futbol Taldeak lidergoan jarraitu gura du aste bete gehiago
Gernika Futbol Taldea denboraldi edarra egiten dabil, eta momentuz, sendo mantentzen da sailkapen angusiko lehenengo postuan. Barakaldo bigarren sailkatua hiru puntura du bertoko taldeak, eta asteburuan Cultural de Durangoren kontra bardinduz gero, lidergoan jarraituko luke Gernikak. Partida Urbietan jokatuko dute, eta hortaz, etxeko zaleen babesa izango dute jokalari gernikarrek. Hala, 17:00etatik aurrera, denboraldiko hamaseigarren garaipena lortzen ahaleginduko dira bertokoak.
Partida irabazita, Gernikak 55 puntu izango lituzke, eta gutxienez hiru puntuko aldea sailkapen nagusian. Gernika-Lumokoek partida bakarra galdu dute etxean, eta horrenbestez, ez litzateke arazo handirik egon beharko hiru puntuak etxean geratzeko.
