Ume mailako futbol txapelketa jokatuko dute sei taldek Busturian
Zapatuan ume mailako futbol txapelketa jokatuko dute sei taldek, Busturiko Itxas Adar futbol zelaian. Busturiko Futbol Taldeak antolatzen duen hirugarren txapelketan, puntako taldeen arteko lehia izango da. Etxeko taldeagaz batera, Alaves, Real Socieda...
Zapatuan ume mailako futbol txapelketa jokatuko dute sei taldek, Busturiko Itxas Adar futbol zelaian. Busturiko Futbol Taldeak antolatzen duen hirugarren txapelketan, puntako taldeen arteko lehia izango da. Etxeko taldeagaz batera, Alaves, Real Sociedad, Athletic, Bansander eta Gernika saiatuko dira irabazlearen garaikurra lortzen.
Taldeak bi multzotan banatu dituzte, eta multzo bakoitzean hiru partida jokatuko dituzte. Lehenengo multzoan Alavesek, Real Sociedad-ek eta Busturiak jokatuko dute. Bigarren multzoan, bestalde, Athleticek, Bansanderrek eta Gernikak jokatuko dute. Partida horiek 10:00etan hasiko dira.
Arratsaldean, finlaurrekoak jokatuko dituzte multzo bakoitzeko lehengo bi taldeek. 16:00etatik aurrera, finalean egoteko txartelagatik jokatuko dute.
Finalaurrekoak jokatu ostean, 17:00etan hirugarren postua erabakitzeko partida jokatuko da, eta 18:00etan, bestalde, final handia. Sari banaketa 18:45ean egingo dute.
