Zierbenan desagertutako beste baten gorpua be Bermeoko uretan aurkitu dute
Zierbenan ezbeharrean desagertutako beste gizonezko baten gorpua agertu zen atzo Bermeo parean. Hiru ziren desagertuta zeuden gizonak, eta herenegun gorpuetako bat agertu zen; atzo, berriz, bigarrena. Itsas Salbamenduak eta Ertzaintzak jakitera ema...
Zierbenan ezbeharrean desagertutako beste gizonezko baten gorpua agertu zen atzo Bermeo parean. Hiru ziren desagertuta zeuden gizonak, eta herenegun gorpuetako bat agertu zen; atzo, berriz, bigarrena. Itsas Salbamenduak eta Ertzaintzak jakitera eman dutenez, 19:30 inguruan azaldu zen atzoko gorpua, Matxitxako lurmuturretik hurbil. Astelehenean agertutako hilotzetik gertu zegoen, milia batera edo. Zantzu guztien arabera ezbeharrean zauritutako umearen aita da hildakoa, Herrizaingo Sailak jakitera eman duenez.
Itsaso ezbeharra ostiral goizaldean gertatu zen. Bost lagun Zirri ontzi txikian irten ziren berdelak harrapatzera. Haize handia zegoen, eta horren ondorioz olatu batek irauli egin zuen ontzia. Bostak uretara jausi ziren. Hiru desagertu egin ziren, eta beste biak—horietako bat 11 urteko haur bat—onik ateratzea lortu zuten. Gaur jarraituko dute oraindik desagertua dagoen gizona aurkitzeko lanek.
