Gatibu beste behin izango da Bermeoko Kafe Antzokian
Bermeoko Kafe Antzokiak jakinarazi legez, Gatibu musika taldea berriro izango da otsailaren 12an, zapatua, Antzokiko agertoki gainean. Joan den asteburuan izan zen Kafe Antzokian Gatibu taldea bere azken diskoa aurkezten. Egun horretan «gainezka» iza...
Joan den asteburuan izan zen Kafe Antzokian Gatibu taldea bere azken diskoa aurkezten. Egun horretan «gainezka» izan zen Antzokia eta bertako arduradunek azaldu duten moduan, «hainbat izan ziren kontzertua ikusteko aukera barik geratu zen jendea». Izan be, egun horretarako sarrerak «arin» agortu baitziren.
Hori dela eta, «kanpoan geratu zen jendeari aukera eman guran», Gatibuk beste kontzertu bat eskainiko du otsailaren 12an Bermeoko Kafe Antzokian. Joan den zapatuan moduan, 22:00etan emango diote hasiera kontzertuari egun horretan.
Sarrerak, 10 eurotan salgai
Gatibu musika taldearen kontzertua ikustera hurbildu gura duten horiek 10 euro ordaindu behar izango dute sarreragatik, eta hainbat puntutan erosi ahal dituzte: Bermeon, Kafe Antzokian bertan edo Luma liburudendan eta Gernika-Lumon, Ospa tabernan. Internet bidez be, sarrerak erosteko aukera eskaintzen dute www.kulturalive.com webgunearen bitartez.
