Herrian zehar jostailuak biltzen ibiliko dira zapatuan Izaro Bikersekoak
Izaro Bikers elkarteko kideak jostailuak batzen ibiliko dira zapatu goizean herrian zehar. Motorrekin herritik ibilbide bat antolatu dutela jakinarazi du Amaia Urresti elkarteko kideetako batek. Halanda be, furgoneta baten laguntza izango dute jendeak ...
Izaro Bikers elkarteko kideak jostailuak batzen ibiliko dira zapatu goizean herrian zehar. Motorrekin herritik ibilbide bat antolatu dutela jakinarazi du Amaia Urresti elkarteko kideetako batek. Halanda be, furgoneta baten laguntza izango dute jendeak utzitako jostailuak bertan sartzeko.
Izaro Bikers elkarteak jostailuak batzen dituen bigarren urtea da. Aurrekoan bildutakoak Saharako umeentzat izan ziren. Aurten, barriz, inguruan geratuko direla azaldu du Urrestik. «Herriko Eleizalde ikastolarekin eta Sagrado Corazon ikastetxekoekin egin dugu berba eta egoerarik onenean dauden jostailuak ikastetxeetan geratuko dira ziurrenik».
Bestalde, zapatuan bildutako beste zenbait jostailu Mungiko Gobernuz Kanpoko Erakunde (GKE) bati emango dizkiote.
10:00etan ipini dute hitzordua Lameran eta 14:00ak bitartean herriko zenbait gunetan izango dira herriko motorzaleak.
- 10:00. Lameran.
- 10:30. Kurtzio kalean.
- 11:15. Ander Deuna kalean.
- 12:00. Martin Deunan.
- 12:30. Artike enparantzan (Estrella).
- 13:00. Talan.
- 13:30-14:00. Lameran.
