Jarduera ugari izango dira Madariaga Dorretxean asteburuan
Asteburu honetan, jarduera ugari izango dira Busturiko Madariaga Dorretxean. Hain zuzen, zapatuan, zein domekan, gazte eta helduek ondo pasatzeko aukera izango dute.
Asteburu honetan, jarduera ugari izango dira Busturiko Madariaga Dorretxean. Hain zuzen, zapatuan, zein domekan, gazte eta helduek ondo pasatzeko aukera izango dute.
Alde batetik, zapatuan, zetazeoak ikuskatzeko aukera izango da Matxitxakon. Bestetik, biodibertsitate zentroan bertan, nekazaritza ekologikoari buruzko DVD baten aurkezpena eta produktu ekologikoen dastaketa izango dira eguerdian. Jarduera hauek biak doakoak izango dira.
Domekan, bestalde, helduentzako zeramika tailerra eta umeentzako arratsalde biodibertigarria izango dira Madariaga Dorretxean. Zeramika tailerrean parte-hartzeko, adibidez, hiru euro ordaindu behar dira. Arratsalde biodibertigarria, bestalde, doakoa izango da. Ipuin kontalaria, musika, jolasak… izango dira umeek ondo pasatzeko.
Nekazaritza ekologikoari buruzko erakusketa
EHNEk antolatutako DVD-aren aurkezpenagaz eta produktu ekologikoen dastaketagaz lotuta, erakusketa audiobisual ibiltaria izango da hilaren 24a arte.
Ekolurra aldizkariaren X. urteurrena ospatzeko antolatu dute erakusketa, eta zapatuan egingo dute aurkezpena.
Asteburuko egitaraua
- Zetazeoak Matxitxakotik: zapatuan, 10:30eatik 13:30eara bitartean, saio teorikoa egingo dute eta zetazeoen ikusteko aukera izango da.
- Nekazaritza ekologikoa: zapatuan, 12:00etatik 13:00etara, Nekazaritza ekologikoari buruzko DVD-aren aurkezpena eta produktu ekologikoen dastaketa.
- Zeramika tailerra: domekan, 16:30eatik 18:00etara, nagusiei zuzendutako zeramika tailerra. Hiru euro ordainduko dituzte.
- Arratsalde biodibertigarria: domekan, 16:30eatik 18:00etara, hiru eta bederatzi urte bitarteko haurrei zuzendutako arrtsalde biodibertigarria. Ipuin Kontalaria, musika, jolasak… izango dira
