Neska gaztion jaialdixe (Gernika-Lumo)
Gernika-Lumo. Neska gaztion jaialdixe ospatuko dute zapatu honetan (martxoak 9) Busturialdeko Neska Gaztiek, Martxoaren 8a dela eta.
17:00etan jarri dute hitzordua Astran, eta solasaldi batekin ekingo diote ospakizun egunari. Busturialde feminista baterantz bezala eman dute solasaldiaren berri. Ostean, 19:00etan hasita, triki-poteoaz gozatuko dute neska gazteek.
Bokatak erosteko aukera eskainiko dute Astran. Izan ere, indarrak hartu beharko dituzte kontzertuei aurre egiteko. 22:00etan igoko da eszenatokira Kuter taldea. Ostean, Dj matxing gernikarrak eta Opilak pasako dira oholtzatik.
Sarrerak enbata_ng Instagram kontuaren bidez edo egunean bertan eskuratu ahal izango dira, eta 5 euro ordaindu beharko dira.
