Kurtzerotik Araneko gasolindegirainoko bidegorria eskatu dute

Euria ez dute oztopo izan gaur muxikarrek, eta ume, gazte zein nagusik parte hartu dute Urretxindorra herri eskolako Guraso Elkarteak antolatu duen irteeran.

Olaia Zabalondo Dominguez

Muxika

2022/09/24

Urretxindorra herri eskolako Guraso Elkarteak irteera bat antolatuta zeukan gaur goizerako (irailak 24). Hain zuzen ere, Kurtzero eta Gernika-Lumo Araneko gasolindegia lotzeko bidegorria eskatzeko aldarria kaleratu dute.

Ume, gazte zein helduk bat egin dute hitzorduarekin, eta euriari aurre eginez egin dute, hain zuzen ere, Kurtzerotik eta Araneko gasolindegiarainoko joan-etorria. Txirrinduz egin dute bidea gehienek, baina oinez zein patinetan ere egin dute beste batzuek.

Naia Espinosa Arrospide Urretxindorra herri eskolako Guraso Elkarteko presidenteak azaldu du irailarren 22an izan den Kotxerik Gabeko Eguna ospatu gura izan dutela, eta, ospakizun hori aitzaki hartu dute Kurtzero eta Araneko gasolindegia lotzeko bidegorria eskatzeko: “Ez daukagu modurik Muxikatik Gernikaraino umeekin oinez edo bizikletaz joateko, eta garrantzitsua litzateke guretzat”. Kotxerik Gabeko Egunaren harira, Kurtzerotik Elizalderainoko bidea egin ohi izan dute urtero. Tarte horretako bidegorria, baina, eginda dago, eta beste tarte hori eskatzeko balio dute gaurko irteera. Tarte horretako bidegorria egiteko eskaera aurkeztu du Muxikako Udalak Bizkaiko Foru Aldundian.

Muxikara helduta, Urretxindorra herri eskolara joan dira eta hamaiketakoa jan ostean, zirkulazio arauak ikasteko ginkana batean parte hartzeko aukera eduki dute.