Udaberriko lehiaketa martxan dauka Bermeoko Berbalagunek
Gaur hasi eta maiatzaren 20ra bitartean parte hartu daiteke lehiaketan.
Bermeoko Berbalagun egitasmoak udaberriko lehiaketa abiarazi du; gaurtik aurrera parte hartu daiteke, eta maiatzaren 20a (barikua) izango da parte hartzeko azken eguna.
Bi eratara erantzun daiteke: sarean (Berbalagunen blogean) edo paperean. Papera aukeratzen dutenek, erantzun eta gero, horren argazkia bidali ahalko dute wahatsappez 607 60 95 80 telefono zenbakira edo bermeoberba@gmail.com-era. Papera jaso duten leku berean utzi ahalko dela ere zehaztu dute. Izen-abizenak eta harremanetarako telefono zenbakia edo e-posta idaztea gogorarazi dute.
Jasotako erantzun guztien artean Bermeoko produktuen “otzara ederra” zozkatuko dute, eta sare sozialetan jakinaraziko dute nor izan den udaberriko irabazlea, baita ere lehiaketako erantzun zuzenak.
