Bilatu
Sartu
Bilatu
  • Albisteak
    • Gaiak
      • Aisia
      • Ekonomia
      • Euskara
      • Gizartea
      • Hirigintza
      • Ingurumena
      • Jaiak
      • Kirola
      • Kultura
      • Politika
      • Udala
      • Orokorra
    • Herriak
      • Ajangiz
      • Arratzu
      • Bermeo
      • Busturia
      • Ea
      • Elantxobe
      • Ereño
      • Errigoiti
      • Forua
      • Gautegiz Arteaga
      • Gernika-Lumo
      • Ibarrangelu
      • Kortezubi
      • Mendata
      • Morga
      • Mundaka
      • Murueta
      • Muxika
      • Nabarniz
      • Sukarrieta
    • Generoak
      • Albisteak
      • Editorialak
      • Elkarrizketak
      • Erreportajeak
      • Iritzia
      • Kronikak
      • Publirreportajeak
  • Agenda
  • Multimedia
    • Argazkiak
    • Bideoak
    • Hitz eta Pitz
  • Agurrak / Eskelak
    • Zorion Agurrak
    • Eskelak
  • Zerbitzu gida
  • Bereziak
    • JAIAK
    • ARGAZKI LEHIAKETA
    • Gaztemunduri Ateak Ireki
    • HITZAren 20. urteurrena
    • Naturan barrena
    • Euskaldunak Australian
    • Xixili
    • Adimen A.
  • Nor gara
  • Publizitatea
Sartu
Gizartea

Eskubideen aldeko ahotsak barreiatzen

'Gernika Batzordea. 1976tik kontakizun kaleidoskopikoa eraikitzen' ikusentzunezkoa aurkeztu dute Lizeo antzokian. Herriaren memoriari doinua jarri dion 'Gernika bizirik' abestia lehenengoz zuzenean entzun dute gernikarrek

Argazkia: Kostan Delgado
Oihana Cabello Elorriaga
Gernika-Lumo
2021/10/22

Anitza delako, eta oparoa. Aldakorra, baita. Kaleidoskopikoa da Gernika Batzordeak bere ibilbidearen 45 urteetan egin duen lana, ekarpena, borroka eta aldarrikapena. Diktadura garaitik gaurdainoko bilakaeta du. Bonbek txikitutako bizitza eta bizipen zatiak batuz, herri memoria egiten aritu da 45 urtez.

Ikuspuntu ugari eman dizkio euskal gizarteari, eta baita Gernikako herriari ere. Askotariko jendea bildu du inguruan: ekintzetan, jardunaldietan, urteurrenetan, aldarrikapenetan… Eta gaur egun bizirik dirauten aldarrikapenek oinarria eta jarraipena dute, garaiaren eta beharren arabera aldakorrak diren arren. Azken batean, kaleidoskopikoa da Gernika Batzordeak idatzi duen historia.

Gaur, Gernika-Lumoko Lizeo antzokian, 45 urteetako ibilbidearen kotakizun hori ikusteko aukera izan dute herritarrek. Ibon Meñikak eta Haritz Petralandak landu dute dokumentala, eta Gernika Batzordeak lan horren aurkezpena egin du gaur, Gernika-Lumoko Zine klubarekin batera. Dokumentala jendaurrean erakutsi aurretik, Janire Arrizabalaga eta Enare Muniategiren bertsoak eta Gernika Bizirik abestia zuzenean entzuteko aukera izan dute gernikarrek. Ostean, hitz batzuk esan dituzte Gernika Batzordeko kide Sabin Ibazetak eta Juantxu Izagirrek.

45 urteko lanari doinua jarri dio 'Gernika Bizirik' abestiak. #KontakizunKaleidoskopikoa #GernikaBatzordea #GuernicaGernikara pic.twitter.com/GzOA6seWMY

— HITZA Busturialdea (@HITZAbusturia) October 22, 2021

Gaur iluntzean Lizeo antzokian ikusi dena zinema aretoetan ikusten denarekin desberdina dela nabarmendu du Ibazetak. Historia da Gernika Batzordea. 1976tik kontakizun kaleidoskopikoa eraikitzen ikusentzunezkoak gaur erakutsi duena, memoria da gaur Lizeo antzokian egin dena. Bizipenak, lau hamarkadatan bildutako esperientziak, ahotsak… uztartu dituzte dokumentalaren egileek, historia egin duten protagonisten ahotik. 

Baina batzordearen historiaz harago, Gernikako, gernikarren eta Euskal Herriko historiaren zati bat ere idatzi dute Gernika Batzordeko kideek. Euskal gizarteari egindako ekarpena ikusarazteko balio du ikusentzunezkoak; kasurako, Lizarra-Garazi hitzarmenean parte hartu zuela ere erakusten du. Gernikan erori ziren bonba kopurua edo erasoan parte hartu zuten hegazkinak zenbat izn ziren jakitea gararntzitsua den arren, batzordearentzat garrantzitsuagoa izan da zenbaki horietatik harago dagoena, eta hori ikusi da Lizeoan.

Picassoren Guernica Gernikara ekartzeko herri mugimendua batzordeak bultzatu zuen, eta koadroa Madrilera heldu zenean Espainiako hiriburura egindako bidaia, kateatzea, protesta edota atxiloketak gogoan dute protagonistek. Bestalde, gaur egungo begirada eta ahotsen ekarpena ere erakusten du dokumentalak. XX. mende bukaeran jaio den neska batek koadroa bahituta zela jaio zela nabarmentzen du, bahituta jarraitzen duela gogoratzeko.

"Picasso errepublikarra zen, errepublikak agindu zion koadroa margoztea. Eta Reina Sofian dago, Madrilen dagoen museorik monarkikoenean".#KontakizunKaleidoskopikoa #GuernicGernikara #GernikaBatzordea pic.twitter.com/sWWLkdvdBk

— HITZA Busturialdea (@HITZAbusturia) October 22, 2021

Bide oparoa, memoria bizia. Picassoren lana Gernikan egotea eskubidea delako egin dituzte hainbat ekimen. Baina Gernikak eta gernikarrek bizi izandakoa, bonbardaketaren egiazko errelatoa bereskuratzea eta zabaltzea, justizia eta erreparazioa ere gernikarrei eta euskal herritarrei zor zaien eskubidea delako lan egin dute batzordekideek 45 urtez, eta horretan diraute.

Bonbardaketaren 50. urteurrena gogoratzeko Gernikak hartu zuen jende uholdea eta sortu zen mugimendu hartatik gaur egun arte, emankorra izan da batzordearen mugimendua. Eta gerra bat bizi izan duenaren enpatiatik, gerra bizi duten beste herrialdeekiko elkartasuna erakutsi du beti Gernika Batzordeak: Palestina, Sahara, Kurdistan… “Gernikak beti izan du zerbait, eta Saharan jendeak jakin badaki zer gertatu zen Gernikan, baita Venezuela ere”. Norbere zilborrari begira geratu beharrean, “beste Gernika” batzuk ere badirela argi du batzordeak.

Gatazketan parte hartzea eta konponbidean laguntzea ere izan da Gernika Batzordearen xedea. “Biolentzia guztiak dira gaitzezteko modukoak eta, adibidez, genero indarkeria eta emakumeen kontrako biolentzia salatu eta mobilizazioetan parte hartu dugu; gustura, gainera”.

ARGAZKI GALERIA

Sinergiak eta erreleboa. Inertziak bultzatuta, lanean darraite batzordekideak, baina belaunaldi berrien ekarpena beharrezkoa delako, sinergiak bilatu dituzte azken urteetan. Zertzelada hori ere batzordearen historiaren parte da, Gernikako bonbardaketaren urteurrenaren harira sortutako taldeen arteko dinamika bezala. Gernika Memoriaren Lekuko plataforma sortu, eta berau ere Gernikako historiaren lekuko izango denez, bada kontakizun kaleidoskopikoak bildu duen beste “kapitulu” bat.

Ordubete luzean, ikusentzunezkoak ikusgarritasuna eman nahi dio Gernika Batzordearen eta batzorde horren atzean dauden herritarren ekarpen aberatsari. Sabin Ibazetak ikusentzunezkoan dioen bezala, “memoria momentuan egiten delako”.

Busturialdeko albisteak euskaraz, libre eta kalitatez jaso nahi dituzu? Horretarako zure babesa ezinbestekoa dugu. Egin zaitez HITZAkide! Zure ekarpenari esker, euskaratik eginda dagoen tokiko informazio profesionala garatzen eta indartzen lagunduko duzu.

Egin HITZAkide

Agenda

Bizkaia

Kultura, Bizkaia, 2026ko Durangoko Azoka

Betiko Durangoko Azoka, koxka bat handituta

Kirola, Bizkaia

Blas Ziarreta hil da, Bigarren Mailan zirela Sestao, Athletic B eta Eibar zuzendu zituen entrenatzailea

Euskal Ligako Bizkaiko klubek salatu dute desabantailan aritzen direla

Indarkeria matxistaren aurka posizionatzeko eskatu dio Bizkaiko Diputazioak gizonen «gehiengo isilari»

Euskal Herria, Bizkaia

Basurtuko ospitaleko larrialdietako itxaronaldi luzeak salatu ditu ELA sindikatuak

Berriak, Kirola, Bizkaia

Ainhize Belarrek 9b graduaren langa eraitsi du

Euskal Herria, Bizkaia

Gutxienez bost edukiontziri su eman diete Bilbon

Euskal Herria, Bizkaia

Bilbon bi adingabe dituen familia bat hirugarrenez etxegabetzen saiatuko direla salatu du AZETek

Euskal Herria, Bizkaia

Zaldibarko kausan Baigorri alkate ohia ikertu behar dela berretsi du Bizkaiko Auzitegiak

Ekonomia, Bizkaia

Vicinayko langileek berretsi dute enpresaren proposamena «bidegabea» iruditzen zaiela

Euskal Herria, Bizkaia

Bilbon 47 pertsona artatu behar izan dituzte, etxe batean sua piztu dela eta

Euskal Herria, Bizkaia

Etxebarriko Bandas enpresako greba Memoria Demokratikorako Leku izendatzeko prozesua hasi dute

Kultura, 2026ko Durangoko Azoka, Bizkaia

Hogei ikuskizun aurkeztuko dituzte ‘DA! Pro’ topaketan, azaroaren 24an eta 26an

Bizkaiko Diputazioak zerga neurri guztiak onartzea espero du, sozialistekin edo «beste alderdiren batekin»

Busturialdeko azken berrien buletina!

Buletina barikuetan bidaltzen da, eta Busturialdeko asteko berri nagusiak biltzen ditu.

Harpidetu

Datuak ondo jaso dira. Eskerrik asko.

Izen-abizenak eta posta elektronikoa sartu behar dira.

Posta elektronikoak ez du formatu zuzena.

Arazo bat gertatu da eta ezin izan da izena eman. Jarri gurekin harremanetan mesedez eta barkatu eragozpenak (Akatsaren kodea:).

  • 94-627 10 85 / 607 29 22 23
  • busturialdea@hitza.eus / gernika@hitza.eus
  • Elbira Iturri kalea, z/g. 48300, Gernika-Lumo
  • Publizitatea
  • 94-618 72 99 / 647 35 56 54
  • busturialdea@hitza.eus / bermeo@hitza.eus
  • Atalde 17, atzealdea. 48370, Bermeo
  • Argitalpen politika
  • Aniztasun politika
  • Pribatutasun politika
  • Cookieak
Babesleak:
Hasi saioa HITZAkide gisa

Saioa hasten baduzu, HITZAkide izatearen abantailak baliatu ahal izango dituzu.

HITZAkide naiz, baina oraindik ez dut kontua sortu SORTU KONTUA

Zure kontua ongi sortu da.

Hemendik aurrera, zure helbide elektronikoarekin eta pasahitzarekin konektatu ahal zara, HITZAkide izatearen abantaila guztiak baliatzeko.

Sartutako datuak ez dira zuzenak.
Zure kontua berretsi gabe dago.
 
 
 
(Pasahitza ahaztu duzu?)
 
 
SARTU
 
Pasahitz berria ezarri da eta zure helbide elektronikora bidali da.
Sartutako datuak ez dira zuzenak.
 
(Identifikatu)
 
 
 
 
BIDALI
 

Ezagutu HITZAkide izatearen abantailak eta aukeratu HITZAkide izateko gustuko modalitatea

HITZAkide izan nahi dut
Aldatu zure pasahitza
Pasa hitza ondo aldatu da.
 
 
 
 
 
 
 
Aldatu
 
Oraindik ez zara HITZAkide?

Tokiko informazioa profesionaltasunez eta euskaratik, modu librean kontatzea da gure eginkizuna. Horretarako zure ekarpena beharrezkoa da, eta ongi maitatzeko modurik zintzoena da HITZAkide egitea.

Ezagutu HITZAkide izatearen abantailak eta aukeratu HITZAkide izateko gustuko modalitatea.

HITZAkide izan nahi dut

Tokiko informazioa profesionaltasunez eta euskaratik, modu librean kontatzea da gure eginkizuna. Horretarako zure ekarpena beharrezkoa da, eta ongi maitatzeko modurik zintzoena da HITZAkide egitea.