28. Gernika-Lumoko Rallyan parte hartzeko irailaren 27ra arte izena eman daiteke
27. Gernika Lumoko Rallya. Argazkia: Ander Barturen. Urriaren 8an eta 9an egingo dute 28. Gernika-Lumoko Rallya, eta bertan parte hartu gura dutenek irailaren 27ra arte izena eman dezakete. Euskadiko Automobilismo Federazioaren web orrialdean izena eman behar da: www. eaf-fva.net. www. eaf-fva.net.
Gernika Racing Elkarteak antolatzen du proba, eta edizio honetako sortu duten webgunea aurkeztu zuten atzo: www.gernikaracing.com/rallye.
Urriaren 9rako komisario bila dabiltzala jakinarazi dute antolatzaileek. Beraz, egun horretan boluntario moduan antolakuntzan laguntzeko prest daudenek probaren web orrialdean dagoen fitxa bete behar dute. Informazioa jsotzeko edo zalantzak argitzeko info@gernikaracing.com helbide elektronikora idazteko esan dute.
Urriaren 8an 17:00etan hasiko dituzte egiaztatze tekniko eta administratiboak, eta 21:00ak aldera arte zeregin horietan ariko direla aurreikusi dute. Hain zuzen, aurten hirigunera bueltatuko direla iragarri dute. Egiaztatzeak Merkurio parean egingo dituzte, eta parke itxia Artekale Kalean egongo da. Biharamunean, 09:00etan hasiko dute rallya, Pasealekuan.
Erlojupeko lau tartek osatuko dute proba, eta parte hartzaileak birritan pasatuko dira horietatik. 28. Gernika-Lumoko Rallya Euskadiko zein Bizkaiko txapelketetarako puntuagarria izango da. Euskadiko Txapelketaren laugarren eta azkenengo proba izango da, eta beraz, bertan argituko dira txapeldunak.
