'Hamar urte baino ez' dokumentala ikusteko aukera egongo da bihar
Nestor Basterretxea aretoan jarriko dute, 19:00etan. Idurre Bideguren alkate ohiagaz hitz egiteko aukera egongo da.
EH Bilduk 10 urte egiten ditu aurten, eta horren harira egindako Hamar urte baino ez izeneko dokumentala jarriko dute bihar [ekainak 10] Nestor Basterretxea aretoan, 19:00etan.
EH Bilduren senatari eta Bermeoko alkate ohi Idurre Bidegurenegaz hitz egiteko aukera ere edukiko dute bertaratutakoek. Gogora ekarri dutenez, Bideguren izan zen EH Bildu eratu zeneko Bermeoko lehen alkate emakumea.
Dokumentalak EH Bilduren komunitatea trinkotzeko asmoa duela esan zuten haren aurkezpenean. Horregatik, herriz-herri dabiltza dokumentala aurkezten: “Hamar urte hauetan EH Bilduren komunitateak egindako lana eskertzeko modua ere bada”.
