4 minutuko geldiunea egin dute gernikarrek
Pasealekuan eta Astrako bunkerrean piztu dituzte sirenak. Azken hori piztearen ardura Durango 1936 elkarteak izan du aurten.
15:45ean hasi da sirena hotsa, 1937ko apirilaren 26 hartan bezala. Geldi, eta isilik, duela 84 urte gertatutakoa gogiratzeko ariketa egin dute aurten ere gernikarrek, 4 minutuz.
Pasealekuan piztu du sirena Gernika Batzordeak, eta Astrako bunkerrean egin dute Gernikako Lobek. Azken hori pizteko Durango 1936 elkartea gonbidatu dute aurten. “Martxoaren 31n izan zen Durangoko bonbardaketaren urteurrena, eta beti esan izan dugu ez zutela Gernika bakarrik bonbardatu, baina Gernika da nazioartean ezagunena, eta beste herriak beste plano batean geratzen dira. Gogoratu eta ikusarazi behar dugu herri asko izan zirela bonbardatuak, eta denek merezi dutela errekonozimendua“, Lobak elkarteko Maitane Azurmendik azaldu bezala. Durango Gernika-Lumotik oso gertu dago, eta Durango lehenago suntsitu zuten: “Lehenengo ‘Gernika’ Durango izan zen, baina Picassoren koadroagatik da ezagunagoa gure herrikoa. Horrek ezin ditu bigarren mailan utzi beste bonbardaketak”.
