Taraskako Ekain Lertxundik Euskadiko Txapelketa irabazi du pisu jaurtiketan
Bestalde, Izaro Egibar eta Lorea Erekatxo bermeotarrek Espainiako Kros Txapelketa lehiatu dute asteburuan, eta Erekatxo lehen euskalduna izan da.
Argazkia: Taraska Atletismo Taldea. Pista estalitako Euskadiko Txapelketa lehiatu dute Donostian, asteburuan, eta Bermeoko Taraska Atletismo taldeko Ekain Lertxundi txapeldun geratu da 18 urtez azpikoen pisu jaurtiketaren proban, 11.87m-ko markagaz. 5kiloko pisua 9.64m-ra jaurti zuen Jon Ruiz bigarren sailkatuak, eta Unai Alvarezentzat izan zen brontzezko domina (8.87m).
Lertxundiren taldekide Luca Etxebarria laugarren sailkatu da 16 urtez azpikoen 60m-ko hezien lehian.
Espainiako Kros Txapelketa. Bestalde, 20 urtez azpikoen Euskal Selekziaren taldekide moduan, Izaro Egibar eta Lorea Erekatxo bermeotarrek Espainiako Kros Txapelketan parte hartu dute asteburuan, Getafen. Zirkuitu gogorra eduki zuten 6.500m-ko lasterketan Erekatxo lehen euskalduna izan da 11. sailkatu zen 24.02 denboragaz, eta Egibar 51 (26.53).
Argazkia: Taraska Atletismo Taldea.
