Gernika RTk Belenos RCren kontra hasiko du bigarren buelta
Ohorezko B Mailako taldeek bost jardunaldi jokatuko dituzte bigarren itzulian. Gernika-Lumoko taldeak Asturiasen lehiatuko du 1. jardunaldia, asteburuan.
Gernikaren eta Hernaniren arteko partidua, urtarrilaren 23an. Argazkia: Hernani KRE Espainiako Errugby Federazioan gaur egin dituzte Ohorezko Mailaren eta Ohorezko B Mailaren bigarren itzulien egutegien zozketak.
Ohorezko B Mailan, A multzoan dago Gernika Rugby Taldea, eta bost talde hauek izango ditu aurkari bigarren bueltan: Hernani KRE, Belenos RC, Bera Bera RT, Gaztedi RT eta Ourense RC.
Asteburu honetan hasiko dute bigarren buelta, eta talde gernikarrak Asturiasen jokatuko du Belenosen kontra, domekan [martxoak 7].
Bigarren itzulian bost jardunaldi izango dira. Lehenengo biak etxetik kanpo lehiatuko ditu Gernikak, eta gainontzeko hirurak Urbietan. 2. jardunaldian, Gaztediren kontra jokatuko du Gasteizen. 3. jardunaldian Hernani hartuko du etxean, eta ondoren Ourense. Azken jardunaldian, berriz, Gernikaren eta Bera Beraren arteko norgehiagoka hartuko du Urbietak.
Igoera kanporaketak. Bigarren itzulia amaituta, zortzi taldek lehiatuko dituzte Ohorezko Mailara igotzea lortzeko kanporaketak. Ohorezko B Mailan hiru multzo daude, eta multzo bakoitzeko lehenengo bi sailkatuek eta hirugarren sailkatutakoen arteko bi onenek lehiatuko dituzte play off-ak.
Lehenengo itzuliko jardunaldi guztiak irabazi zituen Gernika RTk, eta A multzoko lider amaitu zuen ligaren lehen zatia. Ohorezko Mailara bueltatzeko erronka lortzeko lanean ari dira, eta Eduardo Maidagan entrenatzaileak esan modura, oraindik lana duten arren, “bide onean” doaz. Lehenengo bueltarako helburua bete zuten, eta orain igoera sailkatzeko kanporaketetan egoteko helburua lortzeko lan egingo dute basurdeek.
2. itzuliaren egutegia:
*12. jardunaldia (martxoak 7)
- Belenos RC-Gernika RT
- Bera Bera RT-Hernani KRE
- Ourense RC-Gaztedi RT
*13. jardunaldia (martxoak 14)
- Gaztedi RT-Gernika RT
- Bera Bera RT-Ourense RC
- Hernani KRE-Belenos RC
*14. jardunaldia (martxoak 21)
- Gernika RT-Hernani KRE
- Bera Bera RT-Gaztedi RT
- Ourense RC-Belenos RC
*15. jardunaldia (martxoak 28)
- Gernika RT-Ourense RC
- Belenos RC-Bera Bera RT
- Hernani KRE-Gaztedi RT
*16. jardunaldia (apirilak 11)
- Gernika RT-Bera Bera RT
- Hernani KRE-Ourense RC
- Gaztedi RT-Belenos RC
