Gautegiz Arteagako Montorre Herri Ikastetxera egin dugu ikasturteko lehen bisita
Erreportajea lantzen aritu gara 2. eta 3. zikloko ikasleekin batera. Aurtengo ikasturtean ere eskualdeko ikastetxeetara hurreratuko gara gure lanaren berri emateko.
Aurreko ikasturteetan egin bezala, eskualdeko ikastetxeera hurbilduko da HITZA. Gaur goizean Gautegiz Arteagako Montorre Herri Ikastetxeko 2. eta 3. zikloko ikasleekin aritu gara.
Erreportajea izan da Montorreko haurrekin landu dugun gai nagusia; erreportajeak identifikatzen ikasi eta dituzten ezaugarri nagusiak nabarmentzen aritu dira ikasleak.
Era berean, Lea-Artibai, Mutriku eta Busturialdeko Hitza egunkaria nola egiten den ikusi eta ikasi dute bertatik bertara; paperezko edizioaren testu tipologia eta elementu desberdinak ere aztertu ditugu. Webgunea ezagutzeko aukera izan dute ikasleek gainera, eta hori nola elikatzen dugun; atalez atal ezagutu, eta argazki galeriak eta bideoak ikusteko tartea ere eduki dute.
Datorren barikuan [azaroak 22] Gernika-Lumoko Allende Salazar Herri Ikastetxera hurreratuko gara, bertako ikasleekin bi saio egiteko.
