Ertzaintzak ostra eta lanpernen 48 kilo konfiskatu ditu Bermeon eta Sukarrietan
Zapatuan atzeman zituzten arrantzaleak isilpeko ehiztarien aurkako jarduketa batean.
Sukarrietan ostrak konfiskatu ostean, itsasora bueltatu zituzten agenteek. Argazkia: Ertzaintza. Ertzaintzako Zaintza eta Erreskate Unitateko agenteek 32,5 kilo ostra eta 15,5 kilo lanperna konfiskatu zituzten zapatuan.
Ertzaintzak jakinarazi duenez, isilpeko ehiztarien aurkako jarduketa baten emaitza izan zen zapatukoa. Ostren kasuan, Sukarrietan atzeman zituzten arrantzaleak. Horiek identifikatu eta kudeaketa lanak egin ostean, agenteek ostrak itsasora bueltatu zituzten.
Lanpernen 15,5 kiloak, berriz, Bermeon atzeman zituen Ertzaintzak. Krustazeoak beste arrantzale talde baten eskuetan zeuden, eta Sukarrietan egin modura, horiek identifikatzeari ekin zioten agenteek. Konfiskatutako lanpernak elikagai bankura eraman zituztela jakinarazi du iturri berberak.
