Urdaibairen egoerari buruz eztabaidatzeko mahai ingurua egingo dute Bermeon
Kabidxen jarri dute hitzordua, 19:30erako.
Kabidxe Urdaibai marketinaz haratago ekimena egingo dute gaur arratsaldean Bermeon.
Bertan, Urdaibaiko Biosfera Erreserbak bizi duen egoerari buruz ariko dira bi ataletan banatutako eztabaida eta mahai inguruen bitartez.
Guzan eta Hordagok antolatutako ekimena izango da, eta horiek zehaztu dutenez, “naturaren zaintzaren iruditeriagaz bat ez datorren” eta “kutsaduraz lepo” dagoen errealitatearen inguruan berba egingo dute.
Kabidxen jarri dute hitzordua 19:30erako. Lehenik, Zain Dezagun Urdaibai elkarteko buru den Edorta Jimenezek bideratutako Ondo etorri Urdaibai paradisuaren gezur eta iruzurretara eztabaidagaz hasiko dira.
Horren ostean, Mundakako Danona Donea elkarteko Eleder Aurtenetxeren txanda iritsiko da, Festibalak eta ekitaldiak noren mesederako? izeneko mahai inguruagaz.
