650 lagunek egin dute Ziortza-Bolibarko martxa
400 mendizalek osatu dute 23 kilometroko luzea eta 250ek 10 kilometroko laburra. Hasierako balorazio ona egin du martxa antolatzen duen Aranbaltz Kultur ElkarteakBeste urte batez ere, arrakastaz ospatu da Ziortza-Bolibarko Mendi Martxa. Aurreko urteeta...
400 mendizalek osatu dute 23 kilometroko luzea eta 250ek 10 kilometroko laburra. Hasierako balorazio ona egin du martxa antolatzen duen Aranbaltz Kultur Elkarteak
Beste urte batez ere, arrakastaz ospatu da Ziortza-Bolibarko Mendi Martxa. Aurreko urteetan bezala, herriaren desanexioaren urteurrena ospatzeko mendi martxa antolatu dute Aranbaltz Kultur Elkartekoek Ziortza-Bolibar inguruetan, udalaren eta herritarren laguntzagaz. Hala, aurten, 650 lagunek parte hartu dute aukeran jarri dituzten bi martxetan: 400 mendizalek luzean (23,41 km) eta 250ek laburrean (10,48 km).Euriaren mehatxua ez zen izan aitzakia mendizaleentzat. Goizean goizetik batu ziren elizpearen aterpean gosaria hartu eta bideari ekiteko. Bizkor ibili ziren batzuk mendi bideetan zehar. Horrela, Arrasateko gazte bat martxa laburra hasi orduko helduta zegoela jakitera eman zuten antolatzaileek. Erorketaren bat edo beste egon zen arren, ez zen ezer larririk izan, eta bakoitza bere martxan heltzen joan ziren mendizaleak frontoiko helmugara. Txistorra edo hirugihar pintxoak eta edatekoa eduki zituzten ibilbideari amaiera borobila emateko.
Sokak, laguntzeko
Martxa luzekoek euri apurra eduki zuten; laburrekoek, ostera, zorte handiagoa eduki zuten, eta irten orduko zegoen zirimiria ere atertu, eta giro ederrean osatu ahal izan zuten ibilbidea. Tarte batzuetan basa egon bazen ere, mendizaleek ziurtasunez aurrera egiteko neurriak ere hartu zituzten antolatzaileek. Esate baterako, basa zegoen aldapetan sokak jarri zituzten jaitsiera laguntzeko.
Mendi martxa egiteko talde handi batek lan egiten duela azaldu dute Aranbaltzekoek, eta horiei guztiei «eskerrik beroenak» eman nahi izan dizkiete. Elkarteak momentuko balorazio positiboa egin badu ere, aurrerago balorazio zehatzagoa egingo dutela aurreratu dute, «jendearen ekarpenak jaso ostean».
Hasierako balorazioak onak izan dira. Antolakuntzagaz «oso gustura» gelditu zirela eta bideko seinaleak «argi ezarrita» zeudela azpimarratu zuten martxaren amaieran, parte hartzaileek. «Pozik» zeuden bai eta ere opari modura jaso zuten motxilagaz.
