Txikiek ere Uhagoneko bazkide izan ahalko dute
Txikienek ere Uhagon kulturguneko bazkide izateko aukera edukiko dute hemendik aurrera. Markina-Xemeingo kulturguneak bazkidetza mota berezi bat prestatu du txikienei begira: Bazkide Txiki. Hala, 13 urtetik beherakoak ere herriko kulturgunearen laguntz...
Txikienek ere Uhagon kulturguneko bazkide izateko aukera edukiko dute hemendik aurrera. Markina-Xemeingo kulturguneak bazkidetza mota berezi bat prestatu du txikienei begira: Bazkide Txiki. Hala, 13 urtetik beherakoak ere herriko kulturgunearen laguntzaileak izango dira.
Urte hasieragaz batera, urtero legez, bazkide egiteko aukera gogora ekartzen du Uhagonek. Urte osoan egin daiteke bazkide, baina otsailaren 28ra orduko bazkidetza egiten dutenek zozketa batean parte hartu eta urteko kuota doan izateko aukera edukiko dute.
Banakako bazkidetza, familiakoa eta aurten txikiena ere egin ahal izango da, beraz. Ohi modura, bazkide izateak abantailak dauzka: deskontuak ikuskizunen sarreretan eta ikastaroetan, informazioa jasotzeko lehentasuna eta zozketetan parte hartzeko aukera.
Bazkide egiteko, Uhagon kulturgunera deitu, kulturgunea@uhagon.com helbide elektronikora idatzi edo web orriko fitxa beteta egin daiteke.
Uhagon kulturguneak 300 bazkide ditu gaur egun, eta horien ekarpena oso garrantzitsua dela azpimarratu dute kulturgunearen funtzionamendurako.
Urte osoan
Urte osoko zazpi ikastaro ditu martxan kulturguneak: saloi dantzak, luzaketak, taichi, josteko oinarrizko ikastaroa, patchwork, ballet eta dantza modernoa. Eta urte osoan egoten dela esan dute ikastaro horietan izena emateko aukera.
Horiez gain, zirku tailerra, umeentzako josteko tailerra eta antzerki ikastaroa ematen dituzte hilean behin. Otsailaren 25ean hasiko da antzerki ikastaroa.
Urte hasieragaz batera, urtero legez, bazkide egiteko aukera gogora ekartzen du Uhagonek. Urte osoan egin daiteke bazkide, baina otsailaren 28ra orduko bazkidetza egiten dutenek zozketa batean parte hartu eta urteko kuota doan izateko aukera edukiko dute.
Banakako bazkidetza, familiakoa eta aurten txikiena ere egin ahal izango da, beraz. Ohi modura, bazkide izateak abantailak dauzka: deskontuak ikuskizunen sarreretan eta ikastaroetan, informazioa jasotzeko lehentasuna eta zozketetan parte hartzeko aukera.
Bazkide egiteko, Uhagon kulturgunera deitu, kulturgunea@uhagon.com helbide elektronikora idatzi edo web orriko fitxa beteta egin daiteke.
Uhagon kulturguneak 300 bazkide ditu gaur egun, eta horien ekarpena oso garrantzitsua dela azpimarratu dute kulturgunearen funtzionamendurako.
Urte osoan
Urte osoko zazpi ikastaro ditu martxan kulturguneak: saloi dantzak, luzaketak, taichi, josteko oinarrizko ikastaroa, patchwork, ballet eta dantza modernoa. Eta urte osoan egoten dela esan dute ikastaro horietan izena emateko aukera.
Horiez gain, zirku tailerra, umeentzako josteko tailerra eta antzerki ikastaroa ematen dituzte hilean behin. Otsailaren 25ean hasiko da antzerki ikastaroa.
