Goya saria eskuratu du Saioa Larak, 'Handia'-n egindako lanagatik
Hamahiru hautagaitzatik hamar sari eskuratu ditu 'Handia'-k Goya sarietan, tartean Larak hartutako Jantzi Diseinu Onenarena. Markina-xemeindarrak lankideei eskaini die sariaAzkenean ere, Goya saria eskuratu du Saioa Lara markina-xemeindarrak Handia-n e...
Hamahiru hautagaitzatik hamar sari eskuratu ditu ‘Handia’-k Goya sarietan, tartean Larak hartutako Jantzi Diseinu Onenarena. Markina-xemeindarrak lankideei eskaini die saria
Azkenean ere, Goya saria eskuratu du Saioa Lara markina-xemeindarrak Handia-n egindako lanagatik. Larak Jantzi Diseinu Onenaren Saria jaso zuen zapatu gauean ospatu zen sari banaketa ekitaldian. Lararen sariaz gain, Handia-k beste bederatzi Goya ere eskuratu zituen.«Oso urduri nago», esan zuen Larak saria hartzeko agertokira igo orduko. Emozioa azal-azalean zeraman, eta esker oneko berbak eskaini zituen. «Eskerrik asko guztioi! Eskerrik asko zuzendariei eta ekoizleei, eta batez ere Anderri (Ander Sistiaga), beste behin ere nigan konfidantza jartzeagatik. Handia-n lan egiteko aukera emanda sekulako oparia egin didazue, eskerrik asko».
Saria lankideei eskaini nahi izan zien. «Sari hau nire lankide eta lagun diren guztiekin partekatzen dut. Jugatz, Priscila, Eva, Iratxe, Leire… Hau denona da. Eskerrik asko beti nire aldamenean laguntzen egoteagatik eta ni ulertzeagatik. Hau zuei esker lortu dut. Pertsonaia guztiak janzten eta erraldoia eraikitzen lagundu didazue. Zaila izan da».
Gurasoak ere eskertu nahi izan zituen. «Eskerrik asko nire gurasoei, hartu ditudan erabaki guztietan babestu nautelako. Eta baita ere lan egiteko aukera eman eta honaino ailegatzen lagundu didazuen guztioi».
Saria eskuetan, azken hitzak zinemaren munduan sartzera animatu zuen bere lagun minari eskaini zizkion. «Batez ere emakume bati eman nahi dizkiot eske- rrak, Fina Salegiri: Ezagutzen ez nuen bide baten jarri ninduzun, zuk sartu ninduzun guzti honetan, eta begiratu noraino ekarri nauzun. Mila esker bihotzez!».
Gernika-lumotar bat ere bai
Mikel Fernandez Gurrutxaga gernika-lumotarra ere Handia-ren soinu banda egin dutenen lantaldeko kidea da; soinu bandak ere Goya saria jaso du.
Hamahiru hautagaitzatik hamar Goya lortu ditu Handia-k: Jantzi Diseinu Onena (Saioa Lara), Aktore Errebelazio Onenarena (Eneko Sagardoi), Ekoizle Zuzendari Onena (Ander Sistiaga), Musika Originalik Onena (Pascal Gaigne), Gidoi Original Onena (Aitor Arregi, Andoni de Carlos, Jon Garaño eta Jose Mari Goneaga), Efektu Berezi Onenak (Jon Serrano eta David Heras), Argazki Zuzendari Onena (Javier Agirre), Makillaje eta Ile-apaindegi Onena (Ainhoa Eskisabel, Olga Cruz eta Gorka Agirre), Zuzendari Artistikorik Onena (Mikel Serrano) eta Muntaiarik Onena (Laurent Dufreche eta Raul Lopez).
