Mario Lopez: "Erregulartasun gehiago behar dugu, eta lehiakorragoak izan behar gara"
Mario Lopez Lointek Gernika Bizkaiaren entrenatzaileak Eurokopa lehiatzea posible egin duten denen laguntza eta babesa eskertu ditu. Europako txapelketa lehiatuta, klub moduan pauso bat eman dutela, eta zaleek, jokalariek zein klubeko kide guztiek gozatu dutela nabarmendu du gernikarrak. Orain arteko errepasoa egin, eta taldeak dituen erronkez aritu da HITZAgaz.
Europako ametsa amaitu zaio taldeari. EuroCup Txapelketaren estreinaldiaren zelako balorazioa egiten duzu ?
Emaitzak nahi genukeen bezain bakoirrak ez izan arren, lehenengoz parte hartzea, esperientzia hori bizitzea, Europa mailako lehian egotea klubarentzat oso positiboa izan da. Klubeko kideok, zaleek zein jokalariek gozatu dugu. Afizioa Casillara mobilizatu da taldeari babesa emateko, eta giro ona egon da. Baina, batez ere, klub moduan beste pauso bat eman dugu EuroCupean egonda. Kirol arloari dagokionez, egia da, esate baterako, Girona eta Landes taldeak beste maila batean daudela. Baina Cegleden kontra, gure antzeko mailan dagoen taldea izanda, lehiatu gara; etxean irabazi eta kanpoan galdu genuen.
Zein izan da partidurik onena eta zein txarrena?
Onena Cegleden aurka Casillan jokatutakoa izan da. Momentu onak izan ditugu bai Gironan eta baita Frantzian ere, azken horretan zortzi puntugatik galdu genuen, eta atsekabeturik geratu ginen. Gironan atsedenaldiaren ostean eta Landesekin ia ez genuen erresistentziarik jarri. Ez ginen oso lehikorrak izan etxeko bi partidutan. Partidu horietan ez lehiatzeagatik zapore mingotsa daukagu.
Laguntza handia eduki duzue.
Eguaztenetan 20:00etan jokatu arren, Girona eta Landesen kontrako partiduetan jende asko mugitu zen. Bizkaiko zaleei ere deia zabaldu zaie, eta hori ona da klubarentzat. Jarraitzaileak irabazteko baliagarria izan da; azken finean, Lointek Bizkaiko emakumezkoen saskibaloiaren apustu bat da. Erantzuna ona izan da, eta eskertzekoa da hemendik egun eta ordu horietan jendea hara hurbiltzea. Jendea joan egin da, eta taldeak sentitu du. Era berean, zuzendaritzaren, instituzioen eta EuroCupa jokatzea posible egin duten denen babesa eskertu nahi dut. Europan jokatzeko genuen ametsa denei esker gauzatu dugu. Jendeak ezin du imajinatu zenbat kostatzen den Europan lehiatu ahal izatea. Esaterako, Casillan jokatzeko hemendik gauza asko eroan behar ziren, eta laguntza izugarria izan dugu. Denen eskuzabaltasuna eskertzekoa da.
Bi partidu geratzen dira lehen itzulia amaitzeko, eta horiek irabaztea da erronka. Bihar Al-Qazeresen kontra jokatuko duzue Malosten, 18:30ean.
Biharkoa irabazi behar dugu; partidu oso zaila izango da, eurek ere Kopan sartzeko asko dute jokoan. Lehenengo itzulia Lleidan garaipenagaz amaitu, eta, batez ere, etxetik kanpo ematen ari garen itxura hobetu behar dugu. Kantxan bizitasun handiagoa falta zaigu, saskiratze erraz asko jasotzen ari gara. Ligako erasoko talde onena izan gara jardunaldi askotan, baina atzean puntu asko jasotzen ari gara, erraz. Eta horrek taldea zigortu, eta kofiantza kendu digu.
Nahi baino joan-etorri gehiago izan dira taldean. Baina egindako fitxaketekin pozik zaudete?
Gehiago lagundu behar izan digute, eta ez saskiratzeetan bakarrik, talde lanean, defentsa lanean… Jokalari batzuk puntuak lortzen ari dira, baina, agian, beste gauza batzuk falta ditugu talde sendoagoa izateko. Eta joan-etorriekin inplikazio hori lortzea oso zaila da. Taldea batuta egoteko taldearen kohesioan lan egiten ari gara. Tali Cadwell zen gure erreferentea, eta irailaren 1ean etorri beharrean, azaroaren erdialdera heldu zen. Urtebete lesionatuta egon denez, fisikoki ez da heldu baldintza onenetan, eta beragaz dendoraldi-aurrea ligako partiduetan egiten ari gara. Hilabete eta erdian gure saskiratzaile handiena izan den Aishah Sutherland Hego Koreara joan da jokatzera. Udan aurreikusitako barruko jokoa hasieratik galdu dugu. Cadwellen hutsunea betetzeko ardura Alicia Devaughn eta Sutherlandek hartu zuten, eta Devaughn ere joan egin da, kontratua hilabeterako zelako. Orain Marina Bas eta Cadwellekin jokatzen ari gara. Bi pibotak orain dela hilabete eta erdi ez zeuden, eta horrek asko baldintzatzen gaitu. Pinak ere ia ez zuen denboraldi-aurrerik egin, orkatiletik lesionatuta zegoelako, eta Amaya Gastaminza belaunean min hartuta egon da.
Dia Ligari dagokionez, lehen itzulia amaitzear da. Zelan ikusi duzu taldea lehen itzulian? Hasieratik arazoak izan ditugu. Gauza asko pasatu zaizkigu giro normala eduki ezin izateko, prestaketa on bat egin ahal izateko eta taldea osatu ahal izateko, denboraldi-aurrean hori baita normalean egiten dena. EuroCupak ere eragin digu; ez digu utzi aste bitartean normaltasunez entrenatzen. Gorabehera hauek kontuan hartuta, taldeak ez du lortu ligan bi partidu on jarraian egitea. Ez dut nahi EuroCupekoa eta denboraldi-aurrea behar den moduan egin ez izatea aitzakia moduan ulertzea, aurreko astean normaltasunez entrenatuta Logroñon ez ginelako lehiakorrak izan. Aitzakiak ipini baino, barrura begiratu behar dugu, eta taldea defentsan sendoago izateko, atzean jarrera hobea izateko lan egin behar dugu. Denboraldi honetan batik bat minutu gehien jokatzen duten jokalariak ez dira defentsan nabarmentzen direnetekoak. Baina jarreran gutxieneko batzuk eduki behar ditugu, kantxan gure izaeraren bereizgarri diren ezaugarriak ez galtzeko, eta, momentuz, ez da horrela izaten ari. Baina horretan gabiltza; ez diogu Kopari begiratu behar. Orain gauden baldintzetan mailari eustea, kategoria mantentzea da helburua. Horretarako etxetik kanpoko partidetan hobetzea ezinbestekoa dela esan duzu sarritan. Etxean Mann-Filterren kontrako partidua baino ez dugu galdu, hamar puntuko aldeagaz irabazten joanda. Eta etxetik kanpo partidu bakarra irabazi dugu. Mailari eustea bermatuko diguten garaipenak lortzen saiatu behar gara. Jokatzen gauden moduan ezin ditugu helburu handiagoak lortu. Egoera aldatu, eta beste helburu batzuk lortzeko borrokatu daiteke, eta horretarako lanean ari gara. Horretarako, jokoan erregulartasun handiagoa behar dugu, lehiakorragoak izan, batez ere, etxetik kanpo, eta beharrezkoa den jarrera eduki. Behetik asko indartu diren taldeak daude, eta horren adibide da Promete, gure kontra jokatu aurretik partidu bakarra irabazita zuen, eta guri erraz irabazi zigun Logroñon. Zamorak ere bi garaipen besterik ez ditu, baina sendotu da.“Mailari eustea bermatuko diguten garaipenak lortzen saiatu behar gara”
Bi partidu geratzen dira lehen itzulia amaitzeko, eta horiek irabaztea da erronka. Bihar Al-Qazeresen kontra jokatuko duzue Malosten, 18:30ean.
Biharkoa irabazi behar dugu; partidu oso zaila izango da, eurek ere Kopan sartzeko asko dute jokoan. Lehenengo itzulia Lleidan garaipenagaz amaitu, eta, batez ere, etxetik kanpo ematen ari garen itxura hobetu behar dugu. Kantxan bizitasun handiagoa falta zaigu, saskiratze erraz asko jasotzen ari gara. Ligako erasoko talde onena izan gara jardunaldi askotan, baina atzean puntu asko jasotzen ari gara, erraz. Eta horrek taldea zigortu, eta kofiantza kendu digu.
Nahi baino joan-etorri gehiago izan dira taldean. Baina egindako fitxaketekin pozik zaudete?
Gehiago lagundu behar izan digute, eta ez saskiratzeetan bakarrik, talde lanean, defentsa lanean… Jokalari batzuk puntuak lortzen ari dira, baina, agian, beste gauza batzuk falta ditugu talde sendoagoa izateko. Eta joan-etorriekin inplikazio hori lortzea oso zaila da. Taldea batuta egoteko taldearen kohesioan lan egiten ari gara. Tali Cadwell zen gure erreferentea, eta irailaren 1ean etorri beharrean, azaroaren erdialdera heldu zen. Urtebete lesionatuta egon denez, fisikoki ez da heldu baldintza onenetan, eta beragaz dendoraldi-aurrea ligako partiduetan egiten ari gara. Hilabete eta erdian gure saskiratzaile handiena izan den Aishah Sutherland Hego Koreara joan da jokatzera. Udan aurreikusitako barruko jokoa hasieratik galdu dugu. Cadwellen hutsunea betetzeko ardura Alicia Devaughn eta Sutherlandek hartu zuten, eta Devaughn ere joan egin da, kontratua hilabeterako zelako. Orain Marina Bas eta Cadwellekin jokatzen ari gara. Bi pibotak orain dela hilabete eta erdi ez zeuden, eta horrek asko baldintzatzen gaitu. Pinak ere ia ez zuen denboraldi-aurrerik egin, orkatiletik lesionatuta zegoelako, eta Amaya Gastaminza belaunean min hartuta egon da.
Denboraldi amaiera oraindik urrun dago, baina azken bi urteetako seigarren postu hori hobetzea al da helburua? Agian, jendea txarto ohitu dugu. Denboraldi berri bakoitzean aurrekoan baino sailkapen hobea lortu dugu, eta, aurten, ez gara horren ondo egiten ari. Hasiera txarra izan dugu, eta horrek konfiantza gutxitu, eta taldean zalantzak sortu ditu. Baina egoerari buelta eman behar diogu. Orain azken postutik hurbilago gaude, lehenengotik baino. Goian egoteko ilusioa eta nahia galdu barik, non gauden jakin behar dugu, bestela ez ditugulako partiduak aurrera aterako. Beheko postuetatik aldenduko gaituzten pare bat partidu irabazita, konfiantza hartu behar dugu. Ea denboraldi amaieran seigarren postu hori hobetzea lortzen dugun, baina, gaur gaurkoz, oso zaila ikusten dugu. Taldeak dituen helburuak lortzeko zein da giltzarria? Batez ere, defentsan hobetzea, gure jokoaz gehiago gozatzea, eta jokalari bakoitzak bere rola barneratzea, bere egitea. Denek jakitea talde barruan zein den bere zeregina. Rolak nahasten direnean talde batek ez du funtzionatzen. Etxeko partiduetan gozatzen ari gara, baina kanpoan gehiegi sufritzen gaude. Talde moduan etengabe hazteko giltza ez dugu topatu. Egunero hobeak izaten ahalegindu behar dugu. Partiduak irabazteko aukerak izateko erregulartasuna bilatu behar dugu. Atzean oso ahulak gara, eta erasoko ehunekoen mende gaude. Defentsan sendoagoa izan behar dugu. Erregina Kopa jokatzea guztiz baztertu duzue? Logroñon irabazita bosgarren postuan jartzen ginen, eta, orain, lehen itzulia amaitzeko falta diren bi partiduak irabazi behar ditugu, eta beste taldeen emaitzen zain egon. Gaur gaurkoz, ez dut kopan pentsatzen. Biharko partidua irabaztea dut buruan. Hain zuzen, ligan sei porrot eta bost garaipen daramatzazue. Zein izan da partidurik onena eta zein txarrena? Etxean partidu handiak jokatu ditugu. 13 puntugatik galtzen joanda, Ferroli irabaztea; hirugarren eta laugarren laurden oso onak egin genituen. Orain dela bi asteko IDKren kontrako etxeko partiduan ere oso ondo aritu ginen, 20 puntuko aldeagaz irabazita. Eta Estudiantesi 50 puntuko aldeagaz irabazi genion. IDKren kontrakoa oso konpletoa izan zen, baina, batez ere, Estudiantesen aurkakoan ikusgarri egon ginen. Txarrenak etxetik kanpoko Prometeren eta Araskiren kontrakoak izan dira. Jarrerari dagokionez, sentsazio txarrenak horietan utzi ditugu. Nahiz eta denboraldia ez izan nahi genukeena bezain arrakastatsua, jendeari eskatu nahi diot Malostera etortzen jarraitzeko. Ilusioa izan eta taldea babesten jarraitu dezatela, ilusioa eta gogoa ez galtzeko. Zaleak atzean izatea eskertu beharrekoa da, eta taldeak inoiz baino gehiago behar ditu.“Barrura begiratu, eta taldea defentsan sendoagoa izateko lan egin behar dugu”
