Ludoteka eta Gaztelekua asteburuan hasiko dira martxan
6 eta 11 urte bitarteko umeei zuzenduta dagoen Ludoteka, bariku eta zapatuetan egongo da zabalik, 17:30etik 20:30era. Urrirako jarduera ugari antolatu dituzte. Era berean, urriaren 20rako eta 21erako, herrian Bermistorian ospatuko dela kontuan izanik, egitarau berezia antolatuko dutela jakinarazi dute.
Gaztelekua, bestalde, 12 eta 18 urte bitarteko gaztetxo eta nerabeei zuzendutakoa da. Bariku eta zapatuetan zabalik egongo da; ordutegia, baina, aldatu egingo da eta luzatu egin dute. 18:00etatik 22:00etara zabalduko dute, hain zuzen ere. Azaldu dutenez, bi hezitzaile arituko dira gazteekin lanean.
