Jai mexikarra antolatu dute biharko Mundakako Erreka auzoan

Olaia Zabalondo

2017/10/06

Jai eguna dute bihar Mundakako Erreka auzoan. Aurten, gainera, jai mexikarra antolatu du Hiruzubi Errekako Auzo Elkarteak, eta joateko asmoa daukatenei mozorrotuta joateko deia egiten die.

Txistulariak Erreka auzoan

12:00etan emango diote hasiera egunari Mundakako txistularien kalejiragaz. Ordu erdi beranduago, ginkanari hasiera emango diote. 14:00etan, umeak bilduko dira herri bazkarian, eta ordu bat beranduago batuko dira, berriz, nagusiak. Bazkal ostean, nagusiek, mus txapelketan parte hartzeko aukera edukiko dute. Arratsaldea ere, bete betea edukiko dute, honakoa antolatu dute:

17:00. Mariatxiak
18:00. Zumba saioa
19:00. Umeentzako jolasak + kronoeskalada
20:00. Kontzertua: Indidxabal Indid Xaba musika taldea
22:00. Suziriak

Argazkiak atera gura duten horientzako photocalla jarriko dute, eta urdaiazpiko bat ere zozkatuko dutela azaldu dute antolatzaileek. Auzoa girotzeko, gainera, Txilipetxeruek elkartekoek musika jartzen ibiliko dira. Iluntzean, berriz, gastronomi mexikarra dastatzeko aukera eskainiko dute.