Hezkuntza alternatiboa izango dute hizpide zapatuan, Bermeon
Txikitzerik familia elkarteak antolatuta, bi hitzaldi egongo dira; biak, frantziskotarren lokaletan egingo dituzte.
12:00etarako antolatu dute lehenengo hitzaldia. Ordu horretan Hazizhazi, hezkuntza, heziera eta bidelaguntza sareaz ariko dira. Azaldu dutenez, hezkuntza alternatiboari buruzko solasaldia izango da.
Bigarren hitzaldia, 16:00etarako antolatu dute, eta egungo eskola sistema izango dute hizpide., «haurrentzako onuragarria ala kaltegarria?». Unibertsitateko irakasle eta psikoterapia eta neurosiaren prebentzioan aditua den Ane Ablanedok emango ditu azalpenak.
Izena eman behar da. Txikitzerik familia elkarteko arduradunek azaldu dutenez, plazak mugatuak izango dira; horregatik, parte hartu gura duten horiek aurretiaz eman beharko dute izena. txikitzerik@gmail.com helbidera idatzita eman daiteke izena.
