Eako Udaleko dinamizatzailea Natxituan eta Bedaronan egongo da hilean behin
Dinamizatzaileran jarduna ahalik eta herritarrengandik hurbilena izateko asmoz, udaletxean eta liburutegian egoteaz gain, zerbitzua Bedaronara eta Natxituara zabaltzea erabaki du udalak.
Hileko lehenengo martitzenetan Natxituko bolatokian egongo da, 17:00etatik 20:00etara. Hileko azken martitzenetan, ostera, Bedaronako txokoan egongo da, ordutegi berean.
Egun horietan izan ezik, hileko beste arratsalde guztietan Eskolondon egoten da dinamizatzailea, 17:00etatik 20:00etara. Era berean, martitzenetan eta eguaztenetan udaletxean eskaintzen du zerbitzua, 10:00etatik 12:00etara.
Dinamizatzaileak besteren artean honako zerbitzu hauek eskaintzen dizkie bizilagunei: informazio orokorra jasotzea, Eskolondo herriko etxeko txartela ateratzea, udalaren ikastaroetan zein bestelako ekintzetan izena ematea eta udal liburutegiari dagozkion zerbitzuaren gauzak (liburuak eskatu, liburuak mailegatu, katalogoa begiratu…).
