Kontzertuak izan dira Santa Eufemi jaietako ekintza arrakastatsuenak
Aurreko asteburuan ez modura eguraldia lagun izateak jende gehiago hurbiltzea eragin duela aitortu du udalak. Gababus zerbitzua ere bete-bete egin dela adierazi duteUrtero legez, kontzertuek erakarri dute Aulestira jende gehien Santa Eufemi jaietan.Esk...
Aurreko asteburuan ez modura eguraldia lagun izateak jende gehiago hurbiltzea eragin duela aitortu du udalak. Gababus zerbitzua ere bete-bete egin dela adierazi dute
Urtero legez, kontzertuek erakarri dute Aulestira jende gehien Santa Eufemi jaietan.Eskualdeko jende asko egoten da zain urtero kontzertuak noiz helduko, beti izaten baita talde handien agertoki, eta aurtengoan ere ez du hutsik egin. Bariku gauean Vendetta, Belatz eta Sustrajah Band taldeek lehenengo eta DJ Bullek gero eskainitako kontzertuetan jende asko ibili zen. Aulestiko Udalak nabarmendu duenez, aurreko asteburuan ez bezala eguraldi ona egin izanak ere asko lagundu du, eta bestetik, Gababus zerbitzua egoteak ere gazte asko erakarri ditu herrira.
Baina musikaz gain, beste ekitaldi batzuk ere egon dira Aulestin. 28. Irrintzi Txapelketa, esaterako, Nerea Foruriak irabazi du. Ermitarako igoera Ekaitz Kortazarrek irabazi du mutiletan, 04:12 minutuko denboragaz, eta nesketan, berriz, June Arbeok, 5 minutu eta 32 segundogaz.
Domekan, mezagaz hasi zuten jaia, eta euskal preso politikoen eskubideen aldeko elkarretaratzea egin zuten horren ostean. Ondoren jokatu zen bolo txapelketa Oier Azumendi Atzotei-k irabazi zuen. Jaia amaitzeko, domeka arratsaldean Esteibar eta Obieta trikitilariak lehenengo eta Basajaun taldearen erromeria egon ziren gero.
Beste alde batetik, Alkartasun zozketako zenbaki saritua 1.722 izan dela jakinarazi dute, eta saridunak 15 egun edukiko ditu saria batzeko.
