IV. Aste Musikala ospatuko du Lekeitioko Musikaia Musika Eskolak
Hiru egunetan istrumentu ezberdinekin osatutako taldeen kontzertuak egongo dira. Ekainaren 23rako emanaldi berezia prestatu dute Francesca Sanna idazlearen liburuan oinarritutaIkasturteari bukaera emateko, IV. Aste Musikala deituriko kontzertu sorta es...
Hiru egunetan istrumentu ezberdinekin osatutako taldeen kontzertuak egongo dira. Ekainaren 23rako emanaldi berezia prestatu dute Francesca Sanna idazlearen liburuan oinarrituta
Ikasturteari bukaera emateko, IV. Aste Musikala deituriko kontzertu sorta eskainiko du datorren astean Lekeitioko Musikaia Musika Eskolak. Ekainaren 21ean, 22an eta 23an izango dira kontzertuak, 19.00etan, Ikusgarri zinema aretoan.Musikaia Musika Eskolako zuzendariek azaldu dutenez, musika tresna ezberdinez osatutako taldeek parte hartuko dute kontzertuetan, eta estilo ezberdinetako abestiak eskainiko dituzte.
Sarrera mugatua
Azken egunean, ekainak 23, gainera, kontzertu berezia egongo dela aurreratu dute. Izan ere, Francesca Sanna idazlearen liburuan oinarritutako errefuxatuei buruzko antzerki bat egingo dute. «Miren Agur Meabe idazlearen laguntzagaz egindako antzerki honetan hainbat abesti abestuko dituzte».
Urtero bezala, edukieragaz egoten diren arazoak direla eta, aurten sarrerak gonbidapenekin mugatuko dituztela jakitera eman dute Musikaiako zuzendariek. «Egun bakoitzeko sarrerak kontzertuen aurretik salduko ditugu, 18:00etatik 18:30era bitartean, zinemako leihatilan, euro baten truke».
Ikusleentzat 18:40an zabalduko dituzte zinemako ateak, eta gonbidapen edo sarrerarik barik ezin izango dela sartu gogorarazi dute.
