San Isidro jaietan murgilduko dira eskualdeko hainbat herri

Busturialdeko Hitza

2017/05/10

Urtero legez Isidro Deunaren eguna ospatuko dute eskualdeko zenbait herrik datorren astelehenean. Foruan, Ibarrangelun, Mendatan, Muruetan eta Natxituan antolatu dituzte ekintzak, besteak beste. Hala, egun horretan, meza eta osteko hamaiketakoa izango dituzte aukeran herritarrek.

Muruetan, esaterako, ekintzak domekan hasiko dituzte. Meza nagusiaren ostean, euskal dantzak izango dira Urdaibai taldearen eskutik. Ekitaldia nagusiena eguerdiko 13:00etan izango da. Urrezko aizkolarien erakustaldia egingo dute. Egunaren amaieran kirol joko eta olgetak egongo dira ume zein gaztetxoentzat. Horrez gain, gazte eta nagusiak futbolean, saskibaloian eta sokatiran lehiatuko dira. Honakoak dira Muruetako Errekorra erakustaldian parte hartuko duten aizkolariak.

1.Mailako gizonezkoak. 2 metroko enborrak mozten “zutik”. Iker Vicente (Otsagabia), Aitzol Atutxa (Dima) eta Donato Larretxea (Arantza). Nafarroa, Bizkaia eta Gipuzkoako txapeldunak hurrenez hurren.
2.Mailako gizonezkoak. 2 metroko enborrak mozten “etzanda”. Igor Duñabeitia (Forua) eta Aritz Oregi (Larrabetzu)
Emakumeak. Irune Izko (Nafarroa).
Mutikoak. Julen Aldana (Forua) eta Iker Gomez (Bermeo).

Bestalde, baserritarren zaindariaren eguneko ospakizunen harira, Mendatan Herriko Emakume taldeak bazkaria antolatu du datorren maiatzaren 20rako, belaunaldi desberdinetako jendea elkartzeko asmoz. Eguerdiko 14:30ean elkartuko dira Urrutxuko Erretegian, eta bazkarian parte hartu nahi duenak maiatzaren 18ra arteko epea du izena emateko Idatze Etxean (Artapeko informazio bulegoan) edo Urrutxuko Erretegian. Honakoa da sanisidroetako egitaraua, herriz herri: FORUA Maiatzak 15, astelehena. 12:00. Meza San Martin eleizan. Ostean, hamaiketakoa herritar guztientzat IBARRANGELU Maiatzak 15, astelehena. 12.00 Meza. Ostean, trikitilariek girotutako hamaiketakoa udalak ordainduta MENDATA Maiatzak 15, astelehena. 13:00. Meza herriko koruak abestuta. Ostean, pintxoak eta txakolina frontoi inguruan. Maiatzak 20, zapatua. 14:30ean, herriko Emakume taldearen bazkaria, Urrutxuko erretegian. MURUETA Maiatzak 14, domeka. 11:15. Meza nagusia. 12:00. Euskal dantzak, Urdaibai taldeagaz. 13:00. Urrezko Aizkolariak Muruetako Errekorra. 18:00. Kirol joko eta olgetak, ume era gaztetxoentzat. 20:00. Gazte eta nagusien arteko lehia: futbolean, saskibaloian eta sokatiran. Maiatzak 15, astelehena. 11:15 Meza nagusia 12:00. San Isidroren hamaiketakoa. 13:00. Herri bingoa eta bolo txapelketa. 18:00. Eskolarteko Sokatira txiki. V. Muruetako Saria. Parte-hartzaileak: Urretxindorra, Barrutia, Mertzede, Seber Altube, San Fidel, Allende eta Murueta. 19:30. Idi probak. Kaminoko Jatetxea eta Iturbe Anaiak. 21:00. Jaieri agurra. Txokolatada, su artifizialak eta bolandera hotsa. NATXITUA (EA) Maiatzak 15, astelehena. 13:00. Meza. 14:45. Bazkaria Ermintxon.