Eguraldiak lagundu ez arren, giro ederra izan dute Ibarrangeluko V. Azokan
Batik bat domeka goiz eta eguerdi parteko euri zaparradek eragina izan zuten azokan. Baina, euria ez zen oztopo izan jai giroa nagusitzeko.
11:00etatik bazkalordura arte hamaika ekoizleren produktuak eskuratzeko aukera izan zuten azokara bertaratu zirenek.
Aurtengo argazki erakusketa baserri munduari loturikoa izan da, eta euriaren eraginez, Gabiri Tabernan ipini zuten. Halaber, motor zaharrak elizpean egon ziren ikusgai.
Askotariko produktuez osaturiko otzara eder bat zozkatu zuten, eta Juancar Pino ibarrangelutarrari (02478 zenbakia) egokitu zitzaion.
Eguerdian Joseba eta Koldo trikitilarien doinuek girotu zuten azoka.
Bestalde, Gure Esku Dagoko kideek sinadura bilketa egin zuten.
Egun osoko jaia
Arratsaldean Mus eta Brika txapelketak jokatu zituzten eta Ilargi Beltza taldeagaz erromeria izan zuten.
Gabiri Tabernan jarri zuten argazki erakusketa.
Argazkia: Marian Olano.
Euriaren eraginez, motor zaharren erakusketa elizpean egin zuten.
Argazkia: Marian Olano.
Otzararen zozketako sariduna.
Argazkia: Marian Olano.
Askotariko produktuak egon ziren salgai.
Argazkia: Marian Olano.
