65 parte hartzaile batu dira II. Forutik-Forura BTT martxan
Zapatuko eguraldi euritsuak ibilbidea gogortu bazuen ere, txirrindulariak gustura aritu ziren. Parte hartzaileei zirkuitua gogorra bezain polita iruditu zaiela azaldu dute Haitz Biribil Elkarteko kideek.
09:30ean elkartearen egoitza paretik irtenda, Lumora igo, eta handik Errigoitira pasatu ziren. Gero, Errigoititik Busturira joan, eta hasitako leku berean amaitu zuten proba.
50 pertsonak izena eman zuten Internet bidez (horietatik hamar ez ziren agertu), eta atzo bertan 25 lagunek eman zuten izena. “Atzoko eguraldi ederra ikusita uste genuen baino jende gehiago animatu zen, eta pozik gaude”, esan dute antolatzaileek.
Halaber, parte hartzaileen proposamenak jaso dituztela eta datorren urterako kontuan hartuko dituztela azaldu dute: “Orokorrean jendea gustura eta pozik geratu da, eta datorren urtekoa antolatzeko gogotsu daude”.
Parte hartzaileak proba hasi aurretik.
Argazkia: Haitz Biribil Elkartea
