Errefuxiatuei laguntzeko ekimen solidarioa egingo du Rossek
Greziako eta Serbiako kanpamenduetan bizi diren pertsonei janaria bidali ahal izateko ekimen solidarioa antolatu du Gernika-Lumoko Ross dantza eskolak apirilaren 1erako.Egun horretan, «dantzaz, zaporez eta magiaz beteriko menua» eskainiko du. Azaldu ...
Greziako eta Serbiako kanpamenduetan bizi diren pertsonei janaria bidali ahal izateko ekimen solidarioa antolatu du Gernika-Lumoko Ross dantza eskolak apirilaren 1erako.
Egun horretan, «dantzaz, zaporez eta magiaz beteriko menua» eskainiko du. Azaldu dutenez, Greziako Kios irlan egunero beraien sukaldean errefu- xiatuentzako janaria prestatu eta banatzen duen elkartea izango da egun horretako protagonista.
Zaporeak proiektu solidarioak 500.000 otordu baino gehiago banatu ditu dagoeneko, eta modu berean, errefuxiatuen alde lanean jarraituko duela adierazi du Ross dantza eskolak.
Gauzak horrela, bertoko dantza taldeak ere bat egin nahi izan du Zaporeak elkarteagaz, «zoritxarrezko giza krisiak jarraitzen duela ikusita». Eta, hala, apirilaren 1eko ekintzen bitartez, beraien alea gehituko diote, aurretik lan handia egina duen elkarteari.
Beraien «osagai nagusia» dantza izango dela aurreratu dute, hori baita beraiek mugiarazten dituena. Egun horretako menuari, baina, saltsarik ez faltatzea bermatu nahi du, eta, horretarako, herritarrak gonbidatu ditu «errefuxiatuekin dantza egitera», eta prestatutakoaren «saltsa» izatera; «pasioz eta alaitasunez egiten denak ematen dituelako bere fruituak».
Zaporeak proiektuarekiko elkarlan horren bitartez, Greziako eta Serbiako kanpalekuetan bizi diren pertsonen platereraino iristea izango dute xede Rossekoek. Horretarako, baina, «guztien laguntza ezinbestekoa» izango dela gogorarazi dute; hartara, «Zaporeak proiektuak sukalde komunitarioak eratzen jarraitu dezan, eta egoera tamalgarri honetan duintasun errazioak banatu daitezen».
Apirilaren 1ean 10:00etan jarri dute hitzordua, Gernika-Lumoko Astra kulturarako fabrika sozialean. Besteak beste, dokumental biren proiekzioa, dantza eskolak, dantza erakustaldia, magia ikuskizunak, tailerrak, txokolate jana eta beste hainbat ere egingo dituzte apirilaren 1ean.
Bertaratu nahi duenak sarrera erosi beharko du Ross dantza eskolan edota Astran, 5 euroren truke.
Egun horretan, «dantzaz, zaporez eta magiaz beteriko menua» eskainiko du. Azaldu dutenez, Greziako Kios irlan egunero beraien sukaldean errefu- xiatuentzako janaria prestatu eta banatzen duen elkartea izango da egun horretako protagonista.
Zaporeak proiektu solidarioak 500.000 otordu baino gehiago banatu ditu dagoeneko, eta modu berean, errefuxiatuen alde lanean jarraituko duela adierazi du Ross dantza eskolak.
Gauzak horrela, bertoko dantza taldeak ere bat egin nahi izan du Zaporeak elkarteagaz, «zoritxarrezko giza krisiak jarraitzen duela ikusita». Eta, hala, apirilaren 1eko ekintzen bitartez, beraien alea gehituko diote, aurretik lan handia egina duen elkarteari.
Beraien «osagai nagusia» dantza izango dela aurreratu dute, hori baita beraiek mugiarazten dituena. Egun horretako menuari, baina, saltsarik ez faltatzea bermatu nahi du, eta, horretarako, herritarrak gonbidatu ditu «errefuxiatuekin dantza egitera», eta prestatutakoaren «saltsa» izatera; «pasioz eta alaitasunez egiten denak ematen dituelako bere fruituak».
Zaporeak proiektuarekiko elkarlan horren bitartez, Greziako eta Serbiako kanpalekuetan bizi diren pertsonen platereraino iristea izango dute xede Rossekoek. Horretarako, baina, «guztien laguntza ezinbestekoa» izango dela gogorarazi dute; hartara, «Zaporeak proiektuak sukalde komunitarioak eratzen jarraitu dezan, eta egoera tamalgarri honetan duintasun errazioak banatu daitezen».
Apirilaren 1ean 10:00etan jarri dute hitzordua, Gernika-Lumoko Astra kulturarako fabrika sozialean. Besteak beste, dokumental biren proiekzioa, dantza eskolak, dantza erakustaldia, magia ikuskizunak, tailerrak, txokolate jana eta beste hainbat ere egingo dituzte apirilaren 1ean.
Bertaratu nahi duenak sarrera erosi beharko du Ross dantza eskolan edota Astran, 5 euroren truke.
