Musika Hilabeteari hasiera emango diote bihar, Mutrikun

Udalak antolatutako ekimenaren baitan, lau musika emanaldi egongo dira. Bihar Mutrikuko Musika Banda eta Musikalis abesbatza ariko diraMutrikuko Udalak antolatuta, Musika Hilabeteari hasiera emango diote bihar, 13:00etan, Mutrikuko Musika Bandaren Udab...

A.A.

Busturialdea

2017/03/17

Udalak antolatutako ekimenaren baitan, lau musika emanaldi egongo dira. Bihar Mutrikuko Musika Banda eta Musikalis abesbatza ariko dira

Mutrikuko Udalak antolatuta, Musika Hilabeteari hasiera emango diote bihar, 13:00etan, Mutrikuko Musika Bandaren Udaberri Kontzertuarekin.

Josean Pascualen zuzendaritzapean, bandak Zabiel kultur etxeko ganbaran eskainiko du kontzertua. Carmen obertura (G. Bizet), Igor pintzea guda dantzak (A. Borodin), 2. Suitea banda militarrerako (G. Holst), Mendi-mendiyan (J.M. Usandizaga) eta Big band signatures (J. Higgins) piezak eskainiko dituzte. Amaieran, bandako bazkide egin ahalko dute herritarrek. Bazkide egiten direnei diskoak banatuko dizkiete, ohi bezala.

20:00etan, aldiz, Donostiako Musikalis abesbatza ikusteko aukera egongo da, komentuan.

Martxoaren 25ean jarraituko du Musika Hilabeteak. Easo abesbatzaren kontzertua egongo da, Parrokian. Apirilaren 8an, berriz, Arriola & Barandiaran biolin eta piano taldeak eskainiko du emanaldia, komentuan.