Ehunka parte hartzaile batuko dira zapatuan, Gernikako XXXII. Milla Herrikoian
Beste urte batez atletismo proba jendetsua izango da. Ume, gazte zein nagusiak Artekale kalean elkartuko dira zirkuitua burutzeko.
600 partaide baino gehiago espero dituzte aurten. Horiek zazpi kategorietan banatuta lehiatuko dute lasterketa. Ikastetxeetako eskola umeetan hiru kategoria daude: Aurre-benjaminak (2009-2010 jaiotakoak), benjaminak (2007-2008 jaiotakoak) eta alebinak (2005-2006 jaiotakoak). Naguietan, berriz, beste lau kategoria bereizi dituzte: Infantilak (2003-2004 jaiotakoak), kadeteak (2002an jaiotakoak), jubenilak (2000-2001 jaiotakoak) eta junior, absolutu eta beteranoak.
Parte hartzaile datu zehatza oraindik ez dute. Izan ere, nagusien kategorietakoak zapatuan ere izena eman ahalko dute. Antolatzaileak Elai Alai aretoan egongo dira dortsalak banatzen, eta nagusienek bertan izena eman ahalko dute, proba hasi baino ordu erdi lehenago.
16:00etan hasiko da aurre-benjaminen proba, eta 150 metroko distantzia burutuko dute. Ordubete beranduago hasita, benjaminek 300 metroko lasterketa lehiatuko dute. 17:30ak inguruan hasiko da alebinen lehia, eta horiek 600 metroko zirkuitua egingo dute.
Nagusien kategorietako parte hartzaileei dagokienez, neskak eta mutilak banatuta lehiatuko dute milla herrikoia. Infantiletan 18:00etan hasiko dira neskak, eta mutilek, hamar minutu beranduago ekingo diote probari. Guztiek 900 metroko lasterketa lehiatuko dute.
Infantilek amaitu ostean, kadeteen txanda izango da, eta horiek 1.200 metroko proba egin beharko dute. 18:20 inguruan hasiko dira neskak, eta mutilak, ostera, hamar minutu beranduago irtengo dira.
Ondoren, jubenil mailako neskak lehiatuko dira, 18:40an hasita, eta hamar minututuko tarteagaz hasiko dira mutilak.
Halaber, 19:00etan hasiko dira junior, absolutu eta beterano mailako neskak, eta horien ostean aterako dira mutilak.
Jubenilen eta juniorren, absolutuen eta beteranoen kategorietako partaideek 1.650 metroko zirkuitua burutuko dute.
Parte hartzaile datu zehatza oraindik ez dute. Izan ere, nagusien kategorietakoak zapatuan ere izena eman ahalko dute. Antolatzaileak Elai Alai aretoan egongo dira dortsalak banatzen, eta nagusienek bertan izena eman ahalko dute, proba hasi baino ordu erdi lehenago.
16:00etan hasiko da aurre-benjaminen proba, eta 150 metroko distantzia burutuko dute. Ordubete beranduago hasita, benjaminek 300 metroko lasterketa lehiatuko dute. 17:30ak inguruan hasiko da alebinen lehia, eta horiek 600 metroko zirkuitua egingo dute.
Nagusien kategorietako parte hartzaileei dagokienez, neskak eta mutilak banatuta lehiatuko dute milla herrikoia. Infantiletan 18:00etan hasiko dira neskak, eta mutilek, hamar minutu beranduago ekingo diote probari. Guztiek 900 metroko lasterketa lehiatuko dute.
Infantilek amaitu ostean, kadeteen txanda izango da, eta horiek 1.200 metroko proba egin beharko dute. 18:20 inguruan hasiko dira neskak, eta mutilak, ostera, hamar minutu beranduago irtengo dira.
Ondoren, jubenil mailako neskak lehiatuko dira, 18:40an hasita, eta hamar minututuko tarteagaz hasiko dira mutilak.
Halaber, 19:00etan hasiko dira junior, absolutu eta beterano mailako neskak, eta horien ostean aterako dira mutilak.
Jubenilen eta juniorren, absolutuen eta beteranoen kategorietako partaideek 1.650 metroko zirkuitua burutuko dute. 
