Gorozikako II. Mendi Martxan izena emateko epea hilaren 14an amaitzen da
Gorosti Kultur Elkartearen facebook-ean edota gorozikakomendimartxa.blogspot.com helbidean eman daiteke izena. Halaber, martxaren kontu korronte zenbakian dirua sartuta ere izena eman daiteke: ES96 3035 0423 34 4231044095.
Aurretik apuntatzen direnek 10 euro ordaindu behar dituzte, eta egunean bertan izena emanez gero, 15 euro ordaindu beharko dira.
Hilaren 16an egingo dute proba. Ibilbide luzeko partaideak 08:30etan irtenda, 17 kilometroko ibilbidea egingo dute.
Martxa laburra, berriz, 8 kilometrokoa da, eta 09:00etan jarri dute irteera-ordua.
Antolatzaileak martxan parte hartzera animatu dituzte eskualdeko herritarrak. Giro ona eta ibilbide polita ziurtatuta daudela esan dute, eta martxak amaitzen direnerako hamaiketakoa prestatuko dute.
