Busturiko Hirugarren Adinekoen Elkarteak Santanderrera bidaia antolatu du
Uztailaren 29rako antolatu dute bidaia, hain zuzen ere. Egun horretan 08:00etan abiatuko dira Axpe auzotik.
Bisita gidatua egingo dute Santanderren (Espainia), autobusean, tren turistikoan eta oinez. Bazkaldu ere han egingo dute. Jakinarazi dutenez, bazkide bakoitzak lau lagunen izena eman ahalko du irteerarako.
Joan gura duten horiek aurretiaz eman beharko dute izena. Bihar, 10:00etatik 11:00etara, Axpe auzoko Gizarte Etxean eman beharko dute izena Axpe, Goerri eta San Bartolomeko bazkideek. Barikuan, berriz, 10:00etatik 11:00etara, San Kristobaleko Hirugarren Adinekoen egoitzan eman beharko dute izena Altamira eta San Kristobal auzoetako bazkideek.
Irteeraren prezioa 23 eurokoa da. Menua eta bisitak prezioaren baitan daude.
