Arnasa elkartearen jai solidarioa egingo da bihar, Musika Plazan eta frontoian
Jaiagaz batzen den dirua Fibrosi Kistikoa dutenen bizi kalitatea hobetzen lagutzen duen arnas fisioterapiara bideratuko da. Herritarrei Arnasako kamisetak janzteko gonbidapena egin dieteArnasa Gipuzkoako Fibrosi Kistikoaren Elkartearen jai solidarioa e...
Jaiagaz batzen den dirua Fibrosi Kistikoa dutenen bizi kalitatea hobetzen lagutzen duen arnas fisioterapiara bideratuko da. Herritarrei Arnasako kamisetak janzteko gonbidapena egin diete
Arnasa Gipuzkoako Fibrosi Kistikoaren Elkartearen jai solidarioa egingo da bihar, Ondarroako Musika Plazan eta frontoian, fibrosi kistikoa duten pertsonen eta familien alde.Ondarroako herriak babes handia eman izan ohi dio beti elkarteari, eta egin dituzten ekimenetan herritarren aldetik erantzun ona jaso dutela nabarmendu dute Noemi Uribe eta Aitzol Etxaniz Arnasa elkarteko ordezkari ondarrutarrek. «Jaia egiteko leku aproposena Ondarroa dela iruditu zaio elkarteari. Ondarrutarrek orain arte zenbat lagundu duten ikusita, jai solidario hau euren borondatea eskertzeko ere izango da».
Arnas fisioterapia fibrosi kistikoa dutenentzat bizi kalitate on bat mantentzeko ezinbesteko zutabea da, eta jaiaren helburu nagusietako bat ere fisioterapia saio horiek gehitzea ere izango da. Hala, jai solidarioan batzen den dirua arnas fisioterapiara bideratuko da.
Oztopo zirkuitua
Hainbat ekimen egingo dituzte Musika Plaza eta inguruetan. Goizean, besteak bste, gymkhana edo oztopo zirkuitu bat egingo da. «Momentu batez parte hartzaileak fibrosia edo beste edozein zailtasun berezi duen pertsona baten azalean jarri nahi ditugu, oztopo bat bestearen atzetik gainditzearen egoeran jarri daitezen».
Iluntzean, ostera, tonbola solidario bat ere egiteko asmoa ere badutela azaldu dute Uribek eta Etxanizek. Era berean, argazki erraldoia aterako dutela ere aurreratu dute, eta herritarrei Arnasako kamisetekin soinean agertzeko deialdia egin diete.
Jaia borobiltzeko, DJ Elepuntogaz eta Tiritatxogaz gerriak astitzeko aukera edukiko dute iluntzean Musika Plazan biltzen direnek.
