Euskadiko Fitness Txapelketa zapatuan, Gernika-Lumon
Bost kategoria lehiatuko dituzte: Body Line Hasiberriak, Body Line Fitness, Fitness Neurri altua, Fitness Neurri Baxua eta Emakumezkoen Bikini kategoria.
Bizkaia, Araba, eta Gipuzkoako parte hartzaileak egongo dira. “Hiru lurraldeetako ordezkaritza espero dugu. Momentuz 20 pertsona daude konfirmatuta, baina zapatura arte ez dugu behin betiko zerrenda edukiko”, azaldu du Edu Lekunberri txapelketaren antolatzaileak.
16:30ean hasiko da proba, Lizeo Antzokian. Aurretik, 10:30ean hasi eta 13:00ak arte pisatzeak egingo dituzte Santanape kiroldegian.
Sarrerak
Sarrerak egunean bertan Lizeo Antzokiaren txarteldegian eskuratu ahalko dira, baina, aurretik erreserbatzeko aukera dago, Santanape kiroldegian: 946 270 045. Nagusien sarrerak 12 eurotan daude salgai, eta umeenak, berriz, 6 eurotan.
