100 urtez ondarea balioan jarriz

2016/05/18

ortezubiko kobazuloan pinturak aurkitu zituzteneko mendeurrena dela eta, hainbat jarduera antolatu ditu Bizkaiko Foru Aldundiak. Bilbon egin zuten egitarauaren aurkezpena hil hasieran, eta bertan izan ziren Lorea Bilbao Euskara eta Kultura diputatua eta Kortezubiko alkate Ibon Legarza. Azaldu zutenez, urrira bitartean, jardunaldiak, erakusketak, tailerrak eta bestelako ekimenak izango dira. Lorea Bilbaok azaldu zuenez, «Santimamiñe Euskal Herriko arkeologiaren erreferentziako aztarnategia izan da XX. mendearen zatirik handienean. Bizkaiko Foru Aldundiak jakin badaki zein den bere garrantzia eta ikerketa-lanak finantzatu ditu. Azken finean, gure talde-oroimenean sakontzera garamatzan ezagutzaren sorkuntza sustatu du». Mendeurreneko ekitaldiak hasiak dira, eta urrira bitartean iraungo dute. EGITARAUA MAIATZA Maiatzaren 28an. Espeleologia eta Ondare Kulturaleko II. Jardunaldia. EKAINA Ekainaren 12an. Zer da ebakidura estratigrafiko bat? Familia tailerra, 11:30ean hasita. Ekainaren 18an. Esku hartze berriak Santimamiñen: aurkikuntza gertatu eta 100 urtera. Juan Carlos Lopez Quintana arkeologoak hitzaldia emango du, 10:30ean, udaletxean. Ostean, bisita gidatua. Ekainaren 25ean. Santimamiñe 2016: kudeaketa ebaluagarri eta jasangarriko ereduaren bila. 10:30ean jardunaldia Gernika-Lumoko Euskal Herria museoan. 16:00etan, bisita gidatua Satimamiñen. Domeka guztietan. Artistak historiaurrean. Familientzako tailerra, 11:30ean hasita. UZTAILA Uztailaren 10ean. 12:00etan, Santimamiñe zentzumenen bidez tailerra. Uztailaren 23an. Aukera askoko jardunaldia. Santimamiñe, 100 urte ondareaz gozatuz. Zinea, bisita gidatuak, umeentzako Kobaren bila arrastoen jokoa, sua egiteko teknikak, eta Historiaurreko soinuak kontzertua, iluntzean, kobaren ahoan. ABUZTUA Abuztuaren 14an. Umeentzako tailer zientifikoa, 12:00etan, Santimamiñen. IRAILA Irailaren 11. 12:00etan, Santimamiñeko altxorraren bila arrastoen jokoa koba inguruan. URRIA Urriaren 10ean eta 21ean. Arte paleolitikoa aztertzeko metodoak eta teknikak. Nazioarteko izaerako workshopa egingo dute egun horietan. Bilboko Ondare aretoan.