Piratek eta Rudelariek elkarrekin egingo dute jaia zapatuan
Egun osoko programarekin, V. Piratak Athletic Eguna eta VI. Rudelari Eguna ospatuko dituzte zapatu honetan. Goizetik hasita, hainbat ekintza prestatu dituzte elkarrekin egiteko, ska kontzertuak barne. Bazkariak bananduta egingo dituzte, Piratek Pasealekuan eta Gerniska Rudelari taldekoek Astran.
“Lehen mailako futbol liga amaitu eta hurrengo asteburuan egiten dugun jaialdia, aurton Rudelari egunaren egun berdinean izan da, beraz gauza batzuk bion artean antolatu doguz”, azaldu dute Piratak taldekoek. “Gernikan egiten dogu bosgarren urtez, bertara Bizkaia osoko jendea datorrelako, kanpokoak ere bai, eta herrian parte hartzea oso ona izaten delako beti”, gehitzen dute.
Goizetik hasiko dira kalejira egiten txistulariekin, 10:00etan. Pasealekuan umeentzako puzgarriak egongo dira, bitartean helduak Aldats elektrotxarangarekin poteoan egingo dute bazkaldu baino lehen.
“Rudelari eguna hasi ginen ospatzen Gernikan, Jamaikako musika gustatzen zaigunok batzen ginelako eta ikusten genuelako, hemen batez ere rock eta punk musika kontzertuak daudela, beraz guri gustatzen zaigun musikaren emanaldiak hasi ginen antolatzen”, azaltzen du Gerniska Rudelari taldeko Takolok. “Orain egun osoko jaia antolatzen dugu, talde potenteenekin. Urtean zehar ere beste ekintza batzuk antolatzen doguz, musika honen inguruan”, gehitzen du.
Bazkari Pirata Pasealekuan izango da 15:00etan. Astrako terrazan berriz, Aggro Bazkaria egingo dute. Menua entsalada, indaba erriojamikanoak, goarnizioa, izozki a, eta kafea izango da; garagardoa, ardoa eta ura barne. Kasu bietan, tiketak Ospa tabernan erosi beharko dira aldez aurretik.
Arratsaldean berriz, aparjaia eta giza futbolin egingo dituzte Pasealekuan. Ondoren Fabe de Fuka ska elektrotxarangak giroa berotuko du, gaua heldu bitartean.
Astran izango diren kontzertuak, Majaicans reggae ska talde madrildarrarekin hasiko dira, 22:00etan, eta 60. hamarkadako musika jamaikarrarekin bukatuko dute, Soweto Ska Band talde beteranoarekin. Sarrerak zortzi eurotan salduko dituzte Astran bertan. Gaua goizaldera arte luzatzeko, Selektah Amunda Mikel Amundarain ska Dja egongo da, Ospa tabernan.
EGITARAUA
Zapatua, maiatzaren 21a
Iazko Piratak egunaren momentu bat
- 10:00etan kalejita txistulariekin.
- 12:00etan Puzgarriak umeentzako Pasealekuan.
- 13:00etan poteoa Aldtas elektrotxarangarekin.
- 15:00etan Bazkari Pirata Pasealekuan eta Aggro Bazkarixe Astran.
- 17:00etan Aparjaia (espuma) eta giza futbolina.
- 18.30etan potoea elektrotxaranga, Fabe de Fukarekin
- 22:00etan ska kontzertuak Astran: Majaicans eta Soweto Ska Band
- 1:00etan Dj ska, Amunda Selektorra
