Euskadiko irakurzaleen topagune izango da Lekeitio
Euskadiko Solasaldi Dialogikoen V. Topaketa ospatuko da maiatzaren 7an. Ekitaldian parte hartzeko izena emateko aukera zabalik dago oraindikHerri askotako irakurzaleak batuko dira maiatzaren 7an, Lekeition ospatuko den Euskadiko Solasaldi Dialogikoen V...
Euskadiko Solasaldi Dialogikoen V. Topaketa ospatuko da maiatzaren 7an. Ekitaldian parte hartzeko izena emateko aukera zabalik dago oraindik
Herri askotako irakurzaleak batuko dira maiatzaren 7an, Lekeition ospatuko den Euskadiko Solasaldi Dialogikoen V. Topaketan. Gero eta herri gehiagotan sortzen ari dira irakurzaleen taldeak, elkarregaz era guztietako liburuetaz solasaldian jarduteko. Lekeitioko topaketan, talde guztiek batera, esperientziak partekatzeko aukera izango dute.Aurtengo topaketa antolatzeaz arduratu den Lekeitioko taldeak jakitera eman duenez, harrera Ikusgarri zineman izango da, Miren Agur Meabe idazlearen eskutik. Ondoren, Zarautz, Gasteiz, Galdakao, Lekeitio eta Markina-Xemeingo irakurle taldeen irakurketa solasaldien esperientziaz berba egingo dute.
Hamaiketakoaren ondoren, taldeka banatu eta ordu bete inguruko saioan solasaldia izango dute parte hartzaileek. Cervantes 400 urte hil zela dela eta, solasaldirako berak idatzitako testu bat aukeratu dute. Testua aldez aurretik eskuratu daiteke, euskaraz zein gaztelaniaz, 5encuentrotldeuskadi.blogspot.com.es blogean. Hala ere, topaketen hasieran karpeta bat banatuko dutela azaldu dute Lekeitioko taldekoek, informazio guztiarekin.
Nerea Ibarzabal eta Xabat Galletebeitia bertsolariek emango diote amaiera ekitaldiari.
Parte hartzea zabalik
Jadanik, herri ezberdinetako 130 irakurzalek eman dute izena ekitaldirako, baina, oraindik, parte hartzeko aukera zabalik dago. Beraz, ekitaldira joan nahi duenak Lekeitioko kultur etxean edo liburu dendan eman dezake izena edota Internet bidez, 5encuentrotldeuskadi.blogspot.com.es blogean.
Nahi duten guztientzako bazkaria ere antolatu du Lekeitioko taldeak topaketaren egunean, eta bisita gidatu bat ere prest dutela aurreratu dute.
