II. Turuta tailerra egingo du gaur Berriatuko Tarine udal musika eskolak
San Gregorio jaiei hasiera emateko jaitsierarako turutak konpondu edota berriak egingo dituzte. Entsegua ere egingo dute. Herritarrek tailerrean parte hartu ahalko duteBerriatuko Tarine udal musika eskolak antolatuta, San Gregorio jaiei hasiera ematen ...
San Gregorio jaiei hasiera emateko jaitsierarako turutak konpondu edota berriak egingo dituzte. Entsegua ere egingo dute. Herritarrek tailerrean parte hartu ahalko dute
Berriatuko Tarine udal musika eskolak antolatuta, San Gregorio jaiei hasiera ematen dien Kaxero Gaupaseroren jaitsierarako prestaketak egingo dituzte gaur II. Turuta tailerrean.Tailerra 17:00etatik 18:30era egingo dute, musika eskolan bertan. Eta Tarinekoek ikasleei eta horien gurasoei parte hartzeko oharra bidali diete. «Dena dela, beste herritarren batek ere etorri nahi badu, ateak zabalik edukiko ditugu». Izan ere, turuten tailerra eginez, Tarinekoek musika familia giroan txertatu nahi izan dute.
Entseguak ere bai
Otsailaren 11n egin zuten lehenengo turuta tailerra. «Horretan, turutak konpondu edota berriak egin zituzten». Bada, oraingoan, otsailean egindakoa errepikatu eta kalejiraren entsegatzen hasiko dira parte hartzaileak. «Oso garrantzitsua da entseguetan parte hartzea. Entsegatu barik ezin da kalejira ondo egin».
Kalejira maiatzaren 6an egingo da, eta ordura arte, hainbat entsegu egingo dituztela azaldu dute Tarinekoek.
Horietan parte hartzeko, herritarrek Tarineko ordezkariei jakinarazi beharko diete, eta haiek zehaztuko diete entseguen datak eta orduak.
