Laugarrenarekin batera helmugaratu eta gaurko etapa "gustura" egin duela dio Aranak
Orain arte liderra izan den Pablo Quintanillarekin batera, laugarren sailkatu da gaur ereñarra, hirugarren etapan.
Etapa gogorra izan da gaurkoa, 280 kilometroko berezia. Dunak eta pista azkarrak zeharkatu behar izan ditu Aranak, baina maila ona erakusteko gai izan da Busturialdeko pilotua.
Gaurkoan erritmoa mantentzea zaila egin zaiola aitortu duen arren, emaitzarekin pozik da Arana. Bosgarren sailkapen orokorrean, distantziak laburtzen ari da ereñarra. Izan ere, laugarren postuan den Mohammed Al Balooshirengandik (12.04.33) lau segundura da Arana (12.04.37). Gainera, atzetik duen Laia Sanz pilotuarekiko aldea ere handitu du. “Hurrengo etapetan ere mailari eta postuari eustea izango da erronka”, azaldu du.
Munduko Cross Country Txapelketaren lehen proba da Abu Dhabikoa, eta eguenean izango dute parte hartzaileek azken proba. Zapatuko prologoaren ostean, bost etapa burutuko dituzte pilotuek. 2.079 kilometro izango dira guztira, horietatik 1.329 erlojupekoak.
Behin behineko sailkapen orokorra:
- Toby Price (AUS) KTM 450 Rally Factory 1 11:35.07 2. Sam Sunderland (GBR) KTM 450 Rally Factory 1 11:36.04 3. Pablo Quintanilla (CHL) Husqvarna 450 Rally Factory 1 11:36.22 4. Mohammed Al Balooshi (ARE) KTM 450 Rally Replica 12:04.33 5. Txomin Arana Cobeaga (ESP) Husqvarna 450 Rally Replica 1 12:04.37 6. Laia Sanz (ESP) KTM 450 Rally Factory 1/3 12:12.24 7. Jakub Piatek (POL) KTM 450 Rally Replica 1/4 12:13.04 8. Pierre Alexandre Renet (FRA) 12:14.13 9. David McBride (GBR) KTM 450 Rally Replica 1 12:19.47 10. Jose Ignacio Cornejo Florimo (CHL) 12:31.13
