Errepideko segurtasunari buruzko hitzaldia zapatuan, Bermeon
Amatxu elkarteak antolatutako hitzaldia da zapatukoa. Azaldu dutenez, bi orduko hitzaldia izango da, 11:00etatik 13:00etara, eta Gizarte eta Kultura Etxean batuko dira.
Autoetan umeentzako eserlekuak zelan kokatzen diren, zenbat eserleku mota dauden, noiz aldatu behar diren, istripua izatekotan zer egin behar den eta umeekin bidaiatzeko gomendioak izango dituzte hizpide, besteak beste.
Plazak mugatuak direla azaldu dute antolatzaileek. Horregatik, parte hartu gura dutenek aurretiaz eman beharko dute izena; 94-602 84 57 telefono zenbakira deitu behar da erreserba egiteko.
