Boluntariotza jardunaldia egingo dute domekan, Amunategin
Amunategi errekaren leheneratze ekologikoa izeneko proiektuaren baitan, Lurgaia Fundazioak beste boluntariotza jardunaldi bat antolatu du domekarako. Boluntarioak 09:30eanelkartuko dira Busturiko Axpe auzoko elizan, eta handik oinez joango dira Amunategi errekaraino. Bide batez, domekan, Busturiko zuhaitz eguna ospatuko dutela azaldu dute fundaziotik.
Orain arte egin modura, lehenik eta behin, proiektuaren helburuak azalduko dizkiete domekanboluntarioei, «zeintzuk jarduera egin diren aurretik eta zer bilakaera izan duten horiek egin zirenetik hona». Ondoren, leheneratze-bidean dagoen eremuaren inguru-kalitatea hobetzeko hainbat jarduera» egingo dituzte, «nagusiki bertako zuhaitz eta zuhaixkak aldatu; inguruan presente diren espezie inbaditzaileak kendu; eta pinu eta eukaliptu ale bakan batzuei azala kendu, zutik hil daitezen».
Izena eman beharra
Jardunaldia modurik hoberenean antolatu asmoz, boluntario jardunaldian parte hartu gura duenak aldez aurretik eman beharko du izena, eta barikua da horretarako azken eguna, 18:00ak baino lehen; info@lurgaia.com helbidera idatzi beharko da izena emateko.
Domekakoa egun erdiko jardunaldia izango da, eta amaieran denontzako hamaiketakoa egongo dela azaldu dute.
Boluntarioak Amunategin
