Baltzez busti dituzte Lamiek Mundakako kaleak
Atorren lekukoa hartuta, kalera atera dira Mundakako Lamiak, orro, dantza eta doinuz herriko txokoak alaitzera. Lehen Mundaka eta inguruetan bizi ziren sorginen antzera agertu dira jantzita herriko plazan bertoko Lamiak.
Goizean, gizonezkoek egin modura, Aratuste abestiagaz hasi dute beraien ibilbidea emakumezkoek.
LAMIEN ARGAZKI GALERIA
Mundakako Lamiak plazatik Goiko kalerako bidean
‘ARATUSTE’ abestia
Aratuste zara, Aratuste,
Mundakarentzat egun obarik ez.
Marrau atorra zuriakaz
buruan pañelu sedazko ederrakaz.
Aratuste, zara, Aratuste,
tostada eguna ederrak onexek,
onek jan eta, neskak artunda,
plazara dantzan iluntzerarte.
Baita atzo zarrakaz,goiko kalian, ziri ta zara,
Arrasta ezinik, gure elorriyua, harek ziran Aratustiak!
Goizeko zuritasunari kolorea eman diote, iluntasunerantz doan egunean. Hala ere, Mamarruen presentzia ere nabaritu da Aratuste eguneko arratsaldean. Kantu eta dantzak datorren urtera arte agurtzeko, batera abesteko asmoa erakutsi dute Lami eta Atorrek.
Mundakako Lamiak plazatik Goiko kalerako bidean
