Kandelario eta Blas Deuna jaiak ospatuko dituzte Busturialdean

Olaia Zabalondo

2016/02/01

Asteburuko aratusteak girotzen hasteko, Kandelario eta Blas Deuna jaiak ospatuko dituzte Bermeon, Busturian eta Ean. Urtero legez, Bermeoko Demiku auzoan ospatuko dituzte Kandelario jaiak. Gernika-Lumon eta Busturian, aldiz, kandelak eskuetan, kandelario abestera aterako dira bihar arratsaldean.

Umeak kandelario abesten, Gernika-Lumon

Blas Deuna jaiak ospatzeko, aldiz, Busturiko Axpe auzoan eta Eako Bedarona auzoan batuko dira eguaztenetik aurrera. KANDELARIO Bermeo (Demiku auzoa). – Bihar. 12:00etan, meza nagusia, eta ondoren, trikitrixa. – Otsailak 7, domeka. 12:00etan, umeentzako jolasak. Ondoren, 13:00etan, meza nagusia. Ostean, trikitrixa. – Otsailak 14, domeka. Demikuko mendi martxa. 08:30etan, demikuko mendi martxa luzea. 10:00etan, martxa laburra. Gernika-Lumo. – Bihar. 19:30etan, Andra Mari elizatik hasita, herriko umeak kalez kale kantuan ariko dira, kandelak eskuetan. Busturia. – Bihar. 16:00etan, Kandelario abestuko dute eskola aurrean, umeek. SAN BLAS Busturia (Axpe). – Bihar. 12:00etan, meza nasugia. 13:00etan, trikitrixa ibiliko da kalez kale. Ordu erdi beranduago, berriz, Axpeko tabernetatik pintxo poteoan ariko dira. Ea (Bedarona). – Bihar. 12:00etan, meza santua. Gozokiak eta kordoiak bedeinkatuko dituzte. Ondoren, eskolan hiru herri bat eginda laburmetraiaren emanaldia. Ostean, hamaiketakoa. – Otsailak 6, zapatua. 19:30etan, bolo txapelketa banakako eta binakako kategorietan. 21:00etan, herri afaria: bihar da izena emateko azken eguna, herriko tabernan. Afaldu ostean, Esteibar eta Obietarekin dantzaldia.