Hirugarren egin dute Muruetako sokatiralariek 600 kilotako bigarren jardunaldian
Zapatuan lehiatu zuten 600 kilotako bigarren sailkapen eguna, Berriozarren.
Guztira, bi jardunalditan lehiatu dute datorren zapatuan Idiazabalen jokatuko duten Euskadiko Goma gaineko txapelketako finalerako sailkapen fasea 11 taldek. Zeberion lehiatu zuten lehenengo jardunaldia, eta, bertan, bosgarren postuagaz konformatu behar izan zuten Muruetakoek, Sokarri, Ibarra, Ñapurrak A eta Betigazteren atzetik. Behintzat, postu hori mantentzea zen Busturialdekoen asmoa, eta, azkenean, bi postu gorago egitea lortu dute. Abadiñok egin zuen lehenengo, eta Betigaztek, berriz, bigarren. Muruetarrak, bestalde, hirugarren postua bereganatu zuten.
Hala, finalera ailegatutako sei taldeek asteburuan izango dute 600 kilotako azken hitzordua. Bertan izango dira bertoko sokatiralariak ere, beraien onena emateko asmoz.
SAILKAPENA
600 kilotako bigarren sailkatze eguna.
1° Abadiño
2° Betigazte
3° Murueta
4° Sokarri
5° Ñapurrak A
6° Ibarra
7° Ñapurrak B
8° Txantrea
9° Baiona
10° Berriozar
600 kilotako lehenengo sailkatze eguna.
1° Sokarri
2° Ibarra
3° Ñapurrak A
4° Betigazte
5° Murueta
6° Baiona
7° Abadiño
8° Berriozar
9° Txantrea
10° 6 Conceyos
11° Ñapurrak B
